महामार्गावर अपघात, सुदैवाने मोठी दुर्घटना टळली

दूध, ताक, लस्सी यांचे मोठे नुकसान

कुडाळ : मुंबई-गोवा महामार्गावर आज सकाळी ११.३० वाजण्याच्या सुमारास अपघात घडला. कोल्हापूरहून कुडाळकडे येणारा गोविंद दूध कंपनीचा ट्रक पावशी मार्कंडेय मंदिरनजीक पलटी झाला असून यामध्ये मोठे नुकसान झाले आहे. तसेच या ट्रकमध्ये असलेल्या दूध, ताक, लस्सी यांचे सुद्धा मोठे नुकसान झाले. मात्र, सुदैवाने जीवितहानी झाली नाही. सदर घटनास्थळी सहायक पोलिस उपनिरीक्षक संतोष साळसकर, पोलिस हेड कॉन्स्टेबल अमोल गोसावी, महामार्ग पोलिस भूषण नाईक, महामार्ग पोलिस प्रज्ञेश वानिवडेकर, काशिराम ढवळ या टीमने तत्काळ धाव घेत महामार्गावर काही काळ झालेली वाहतूक कोंडी सोडविली. तर काही वेळातच महामार्गावर पलटी झालेला हा ट्रक क्रेनद्वारे बाजूला करण्यात आला.

रोहन नाईक, कोकण नाऊ, कुडाळ