युवा नेते विशाल परब यांचे निलंबन मागे

भारतीय जनता पक्षात होणार भव्य प्रवेश

विशाल परब यांच्या प्रवेशाने भाजपची कोकणातील ताकद वाढणार

भारतीय जनता पक्षाचे नेते विशाल परब यांची आज भाजपमध्ये घरवापसी होणार आहे. त्यांचं निलंबन मागे घेण्यात आल आहे. सिंधुदुर्ग जिल्ह्यातील सावंतवाडी विधानसभा मतदारसंघातून विशाल यांनी अपक्ष निवडणुक लढविली होती. दीपक केसरकर यांच्या विरोधात त्यानी तब्बल 35 हजार मतं मिळवली होती. एका अपक्ष उमेदवाराने एवढी प्रचंड मत मिळवण्याचा विक्रम विशाल परब यांनी केला होता. विधानसभा निवडणुकीत विशाल परब यांनी प्रचंड मत घेतल्याने त्यांच्यासाठी शिंदेंची शिवसेना आणि भाजप या दोघांमध्येही प्रवेश देण्यासाठी चढाओढ होती. अखेर विशाल परब यांनी भारतीय जनता पक्षात प्रवेश करण्याचा निर्णय घेतला आहे. भाजपाचे प्रदेशाध्यक्ष रवींद्र चव्हाण यांच्या प्रमुख उपस्थितीत त्यांचा प्रवेश होणार आहे त्यांच्या प्रवेशाची उत्सुकता संपूर्ण महाराष्ट्राला लागली आहे. विशाल परब यांची तरुणांमध्ये प्रचंड क्रेझ आहे. त्यांच्या भाजप प्रवेशामुळे कोकणात भाजपला बळकटी येणार आहे.