वडिलांना जमले नाही तो नियोजनचा 400 कोटींचा प्रारूप आराखडा करण्याची हिम्मत नितेश राणेंनी दाखवली

माजी आमदार परशुराम उपरकर यांचा पालकमंत्री नितेश राणे यांना टोला

जिल्ह्यातील ठेकेदारांचे सव्वा दोनशे कोटी रुपये बिलापोटी थकीत

सिंधुदुर्ग जिल्ह्याची जिल्हा नियोजन बैठक राणे कुटुंबीयांनी चालवली आहे, अशा प्रकारची चर्चा सगळीकडे सुरू झालेली आहे . त्या चर्चेमध्ये अगदी वडिलांनी मुलांना शिकवल्यासारखं मुलांनी अगदी सर्व अधिकाऱ्यांना फैलावर घेतले ही आनंदाची आणि अभिनंदनाची गोष्ट आहे. खऱ्या अर्थाने हे करत असताना राणे आणि राणे कुटुंबीयांनी जिल्ह्यातल्या शासकीय रुग्णालयांमध्ये मध्ये असलेली रिक्त पदे भरावीत , जिल्ह्यातील ठेकेदारांचे विविध विकासकामांपोटी सव्वा दोनशे कोटी रुपये थकीत आहेत, ते मार्च पूर्वी मिळवून द्यावेत. जाहीर केल्याने 400 कोटी रुपये जिल्हा नियोजनला आणून दाखवावेत , जिल्ह्यातील अवैध धंदे बंद करावेत या गोष्टी केल्यास शिवसेना तर्फे पालकमंत्र्यांचा जाहिर सत्कार करु , असे आव्हान माजी आ. परशुराम उपरकर यांनी केले आहे.
कणकवली येथे आयोजित पत्रकार परिषदेत ते बोलत होते , पालकमंत्र्यांनी सर्व रुग्णालयात डॉक्टर्स उपलब्ध करून द्यावेत. जेणे करून सिंधुदुर्ग जिल्ह्यातील जनतेला आरोग्यावरती जो खर्च होतो तो थांबेल. ज्यांना गोव्याला पाठवू नका म्हणत असताना त्यांचे जे असलेले तज्ञ डॉक्टर , सर्जन किंवा अन्य डॉक्टर हे सुद्धा मिळवून देण्यासाठी त्यांनी प्रयत्न करावा. त्याचबरोबर आज सर्व महाराष्ट्रातल्या ठेकेदारांनी 89 हजार कोटीची बिल असल्यामुळे आंदोलन सुरु केले आहे. जिल्ह्यातील पाटबंधारे विभाग , सार्वजनिक बांधकाम विभाग , पंतप्रधान ग्रामसडक या सर्व विभागाचे बिल अडकली आहेत. जिल्ह्यातले जवळजवळ दोनशे ते सव्वा दोनशे कोटीची बिले या सर्व लाडक्या भावांची अडकलेली असल्याचा उपरोधक टोला माजी आ. परशुराम उपरकर यांनी लगावला.

एका बाजूला लाडक्या बहिणींना पैसे देतायेत आणि काढूनही घेत आहेत. त्या लाडक्या भावांचे पैसे त्यांना मिळवून द्या. त्याचबरोबर या जिल्ह्यामध्ये अनैतिक धंदे चालू आहेत मटका , जुगार ,दारु ती थांबवण्याची तुम्ही घोषणा केलेली आहे ,कधीतरी तुमच्याच ताफ्यात असतात, त्या गाड्यांना बाजूला करावे. आणि या 6 महिन्यात त्या गोष्टी झाल्या तर शिवसेना पालकमंत्र्यांचा नागरी सत्कार करेल. जे वडिलांना व इतर पालकमंत्र्यांना जमले नाही ते 400 कोटी जिल्हा नियोजनचा आकडा नेण्याची पालकमंत्र्यांनी हिम्मत दाखवली , त्याबद्दल अभिनंदन आहे , असे परशुराम उपरकर यांनी सांगितले.