हळवल रेल्वे उड्डाण पुलाचे काम लागणार मार्गी

कार्यकारी अभियंता अजयकुमार सर्वगोड यांना खासदार नारायण राणेंच्या सूचना

खासदार नारायण राणे व मत्स्योद्योग व बंदर विकास मंत्री नितेश राणे पालकमंत्री, यांच्या माध्यमातून गेली अनेक वर्ष रखडलेला व जनतेचे महत्त्वाचा असलेला प्रश्न हळवल रेल्वे उड्डाणपूल हा मार्ग लागणार असून पंचक्रोशीतील अनेक गावांना रेल्वे फाटक पडत असल्यामुळे होणाऱ्या त्रासातून मुक्तता होणार आहे. कणकवली तालुक्यातील हळवल, कळसूली, आंब्रड रस्ता मार्गावर हलवल रेल्वे फाटक सातत्याने बंद असताना वागदे,शिरवल, कसवण, तळवडे कळसुली ,आदी गावांना सातत्याने याचा प्रवास करताना त्रास होत असते. हे गरज लक्षात घेताना भाजपच्या तालुकाध्यक्ष मिलिंद मेस्त्री यांनी खासदार नारायण राणे व मंत्री नितेश राणे यांचं निवेदनाद्वारे लक्ष वेधले असून या संदर्भात खासदार नारायण राणे यांनी बांधकाम विभागाच्या कार्यकारी अभियंता अजयकुमार सर्वगोड याना सूचना देऊन तात्काळ या संदर्भात पाठपुरावा करून प्रश्न मार्गी लावण्यासंदर्भात सूचना दिल्या. ज्या बाबी पूर्तता करावायच्या आहेत त्या तात्काळ कराव्यात अशा सूचनाही दिल्या असून, येणाऱ्या काही दिवसांमध्ये हा प्रश्न मार्गी लागेल असे भाजप तालुका अध्यक्ष मिलिंद मिस्त्री यांनी सांगितले.