ब्लड कॅन्सरशी झुंज देणाऱ्या 3 वर्षाच्या मुलीला हवाय मदतीचा हात

मालवण तालुक्यातील आचरा येथील परिस्थितीने गरीब, मोलमजुरी करून आपल्या कुटुंबाचा चरितार्थ कसाबसा चालवणाऱ्या चंद्रशेखर बाबुराव शेळके यांच्या अवघ्या तीन वर्षाची चिमुरडी काव्या चंद्रशेखर शेळके हिला ब्लड कॅन्सर या आजाराचे निदान झाले. काव्याची अचानक प्रकृती खालवल्याने स्थानिक खाजगी हॉस्पिटलमध्ये तपासणी करण्यात आली. उपचारला साथ मिळत नसल्याने तिला बांबूळी गोवा येथे हलवण्यात आले तपासणी दरम्यान तिला ब्लड कॅन्सर झाला असल्याचे निष्पन्न झाले आहे
शेळके कुटूंबावर आपल्या चिमुकल्या मुलीला ब्लड कॅन्सर झाल्याचे ऐकून शेळके कुटुंबाच्या पायाखालची वाळूच सरकली. चंद्रशेखर शेळके हे हे मोलमजुरी करून कुटुंब चालवत असल्याने सर्व कुटुंब हे त्यांच्यावर अवलंबून होते. अशा वेळी मुलीवर ओढवलेल्या प्रसंगामुळे पूर्णतः कोलमडून गेले आहेत. काव्यावर उपचार हे हॉस्पिटलकडून होणार असले तरी हॉस्पिटल बाहेरील लागणारी महागडी इंजेक्शन, गोळ्या, औषधे हे त्यांच्या आवाक्याबाहेरील आहेत. परिस्थितीपुढे हतबल झालेल्या, आपल्या कुटुंबासाठी अनेक स्वप्ने पाहिलेल्या चंद्रशेखर शेळके यांच्या मुलीवर ओढवलेला प्रसंग, आणि आपल्या लाडक्या लेकीसाठी होत असलेली बापाची घालमेल खरंच मन हेलावणारी आहे. काव्यावर सुपर स्पेशालिस्ट हॉस्पिटल बांबूळी गोवा येथे उपचार सुरु आहेत. पुढील सात ते आठ महिने गोवा येथे थांबून उपचार घेण्याचा सल्ला तेथील वैद्यकीय डॉक्टरांनी दिला आहे.
काव्या वरील महागडे उपचार आणि तेथील राहण्याचा खर्च हे मोलमजुरी करणाऱ्या शेळके कुटुंबाला शक्य नाहीत सुरुवातीला होणारा खर्च आचरा येथील समर्थ नगर येथील स्थानिकांनी निधी गोळा करत केला आहे. दिव्या हिच्यावरील दीर्घ उपचारासाठी गोवा येथे राहणे आवश्यक आहे. असे असताना शेळके कुटूंबाचे कोणतेही नातेवाईक त्या भागात नसल्याने त्याना जागा भाड्याने घेऊन राहण्याशिवाय पर्याय उरलेला नाही. उपचारासाठी आणि आणि राहण्याची सोय होण्यासाठी आर्थिक मदत उभी राहणे आवश्यक आहे. फेसबुक, व्हाट्स अप ग्रुप, आपले मित्रमंडळी, नातेवाईक, दानशूर संघटना यांच्या माध्यमातून आपल्या परीने जमेल तशी मदत करून कु. काव्या शेळके या मुलीला उपचारार देऊन आजारातून लवकरात लवकर बरी होण्यासाठी माणुसकीच्या नात्याने आपल्याला जमेल तसा हातभार लावावा असे आपणास आवाहन करण्यात येत आहे. मदत खाली दिलेल्या बँक खाते किंवा गुगल पे क्रमांकावर पाठवावी.
बँक तपशील
नाव :- चंद्रशेखर बाबुराव शेळके
बँकेचे नाव :-बँक ऑफ इंडिया
शाखा :-आचरा
आय एफ एस सी कोड :- BKID0001472
खाते क्रमांक :- 147210110005241

गुगल पे क्रमांक
चंद्रशेखर शेळके – 9420822659