उद्या आचरा येथे सहकार मेळावा

भाजप नेते निलेश राणे यांची प्रमुख उपस्थिती

आचरा–अर्जुन बापर्डेकर
मालवण तालुका खरेदी विक्री संघाच्या सहकार्याने भाजप नेते माजी खासदार निलेश राणे यांच्या प्रमुख उपस्थितीत आचरा येथील सरजोशी हाॅलवर उद्या शुक्रवार २ऑगष्ट रोजी सकाळी १०ते२या वेळात सहकार मेळाव्याचे आयोजन करण्यात आले आहे.

बदलते सहकारी धोरण, सहकारातील संधी, आपल्या भागातील शेतकरी, व्यावसायिक यांना बदलत्या व आधुनिक टेक्नॉलॉजी च्या जमान्यात सहकारी तत्त्वांचा योग्य समन्वय साधून सहकारी पर्यायाने स्वतःचा विकास करणे या उद्देशाने सहकारात काम करणाऱ्या कार्यकर्त्यांचा मेळावा भाजप नेते निलेश राणे यांच्या प्रमुख उपस्थितीत आचरा येथे संपन्न होत आहे.या मेळाव्यात मालवण तालुका सहाय्यक निबंधक राहूल पोवार, सहकारी अधिकारी अजय हिर्लेकर, उद्योग व्यवस्थापन तज्ञ नंदकिशोर परब यांचे मार्गदर्शन मिळणार आहे.
.तरी सहकारातील कार्यकर्ते, पदाधिकारी यांनी उपस्थित राहण्याचे आवाहन मालवण तालुका सहकारी खरेदी विक्री संघ चेअरमन राजन गांवकर व संचालक मंडळ यांनी केले आहे.