रत्नागिरी सिंधुदुर्ग लोकसभा मतदारसंघाच्या भाजपा वैद्यकीय आघाडी संयोजक डाॅ. अमेय देसाई यांचा वेंगुर्लेत सत्कार

वेंगुर्ला – देशात येऊ घातलेल्या सार्वत्रिक निवडणूकांसाठी भारतीय जनता पक्षाच्या संघटनात्मक रचनांना बळकटीकरण देण्याला वेग आलेला दिसत आहे. ज्यात रत्नागिरी-सिंधुदुर्ग लोकसभेकरिता संयोजक म्हणून डॉ. अमेय देसाई यांची निवड करण्यात आली. निवडी नंतर प्रथमच सिंधुदुर्ग जिल्हा दौर्‍यावर आलेले डाॅ. अमेय देसाई यांचा आज वेंगुर्लेत भाजपा कार्यालयात प्रदेश का.का.सदस्य शरद चव्हाण यांच्या हस्ते सत्कार करण्यात आला. गेल्या अनेक वर्षांपासून ग्रासरुट ला काम करणारे डॉ. देसाई विविध क्षेत्रातील मान्यवरांसोबत सुद्धा तितक्याच सलोख्याचे संबंध प्रस्थापित करुन आहेत. तळकोकणातील सर्वसामान्यांसोबत त्यांची जुळलेली नाळ , संघपरिवाराची त्यांची पार्श्वभूमी आणि राज्यातील नेतृत्वासोबत असलेला त्यांचा थेट संपर्क या सगळ्या गोष्टी रत्नागिरी-सिंधुदुर्ग लोकसभेत भाजप ला विजयश्री खेचून आणण्यासाठी निश्चीत उपयोगी पडतील ,असे प्रतिपादन शरद चव्हाण यांनी सत्कार प्रसंगी केले. . यावेळी जिल्हा उपाध्यक्ष प्रसन्ना उर्फ बाळु देसाई , वेंगुर्ले न. प. माजी नगराध्यक्ष दिलीप उर्फ राजन गिरप , तालुकाध्यक्ष सुहास गवंडळकर , कामगार मोर्चा जिल्हाध्यक्ष अशोक राणे , ज्येष्ठ नेते प्रकाश रेगे , जि.का.का.सदस्य मनवेल फर्नांडिस , NGO आघाडीचे विजय रेडकर , महिला शहर अध्यक्षा श्रेया मयेकर , युवा मोर्चा तालुकाध्यक्ष प्रणव वायंगणकर , शक्तिकेंद्र प्रमुख विजय बागकर , संदिप पाटील , कामगार आघाडीचे प्रशांत नवार तसेच भाजपा कार्यकर्ते उपस्थित होते.