कुडाळ नाबरवाडी येथे शिवजयंती उत्साहात साजरी

कुडाळ: नाबरवाडी येथील साई कला-क्रीडा मित्रमंडळ नाबरवाडी व नगरसेविका श्रेया शेखर गवंडे यांच्या संयुक्त विद्यमाने १९ फेब्रुवारी रोजी महाराष्ट्राचे आराध्य दैवत छत्रपती शिवाजी महाराजांची जयंती उत्साहात साजरी करण्यात आली. सकाळी ७ वाजता सिंधुदुर्ग किल्ल्यावरुन शिवज्योत घेऊन शिवभक्त निघाले आणि ११ वाजता नाबरवाडी येथे शिवज्योतीचे आगमन झाले. त्यानंतर छत्रपती शिवाजी महाराजांच्या मूर्तीचे आणि शिवज्योतीचे पूजन करण्यात आले. शिवजयंतीनिमित्त विविध कार्यक्रमांचे आयोजन करण्यात आले होते. दुपारी लहान मुलांसाठी विविध क्रिडा स्पर्धा घेण्यात आल्या. महिलांसाठी खेळ घेण्यात आले.
संध्याकाळी शिवजयंती उत्सवाचे मुख्य आकर्षण रेकॉर्ड डान्स स्पर्धा घेण्यात आली. कार्यक्रमाची सुरुवात संचिता फडके यांचे समई नृत्य, मानसी वाळकेचा पोवाडा, साईल सातार्डेकर याच्या राजं आलं आणि इशिता गवंडे हिच्या माय भवानी नृत्याने झाली. एकूण ५५ स्पर्धक सहभागी झाले होते. विविध स्पर्धकांनी आपली नृत्यकला सादर केली. या स्पर्धेचे परीक्षण तुशांत सोनावणे मुंबई वसागर दिनकर सारंग (देवबाग) यांनी केले. कार्यक्रमाचे निवेदन नागेश नाईक यांनी केले. या रेकॉर्ड डांस स्पर्धेतील निकाल पुढिलप्रमाणे.
लहान गट : प्रथम क्रमांक – दिक्षा नाईक, द्वितीय क्रमांक – आरव आईर, तृतीय क्रमांक – अंतरा ठाकुर
खुला गट : प्रथम क्रमांक – मृणाल सावंत, द्वितीय क्रमांक – नेहा जाधव, तृतीय क्रमांक – संजना पवार
विजेत्यांना आकर्षक चषक आणि रोख रक्कम देऊन गौरवण्यात आले. या कार्यक्रमाला प्रेक्षकांचा चांगला प्रतिसाद लाभला. यावेळी शिवसेना ओबीसी जिल्हाप्रमुख रुपेश पावस्कर , कुडाळ उपनगराध्यक्ष मंदार शिरसाट, नगरसेवीका श्रुति वर्दम यांनी कार्यक्रमाला भेट दिली.
साई कला-क्रीडा मंडळाचे अध्यक्ष राजू गवंडे, सूरज गवंडे, साईश नाबर, धनंजय परब, रोहित राऊळ, जयेश कावले, प्रथमेश राऊळ, शार्दूल कांबळी, तन्मय कुनकावळेकर, केतन वरवडेकर, मंगेश वरवडेकर, राजाराम तोरस्कर, राजू खानोलकर, हेमंत गवंडे, सिद्धेश राऊळ, समीर गवंडे, सचिन खोत, सचिन महाडिक, गोटया पंडीत, गुरु गडकर, ओंकार राऊळ, मिहिर खानोलकर, शिवम गावडे, मंथन कुमटेकर, वेदांत कुपेरकर, प्रथमेश नाईक, प्रणाली गवंडे यांनी मिळून कार्यक्रम यशस्वी केला.
या कार्यक्रमाला प्रेमदास राठोड, उदय बाणे, सुबोध राऊळ, न्हानू गावडे, सचिन खोत, संजय परब, जयसिंग बांदेकर, श्रीराम काजरेकर, हेमंत शिरसाट , अमित शिरसाट आणि चिंतामणी साऊंड सर्वीस यांचे सहकार्य लाभले.

प्रतिनिधी, कोकण नाऊ, कुडाळ