कला व वाणिज्य महाविद्यालय फणसगाव तालुका-देवगड येथे नोकरी भरती मेळावा

देवगड : फणसगाव पंचक्रोशी शिक्षण संस्था मुंबई, कला वाणिज्य महाविद्यालय फणसगाव व आयसीआयसीआय बँक एनआयआयटी यांच्या संयुक्त विद्यमाने गुरुवार 23 फेब्रुवारी 2023 रोजी ठीक सकाळी 10.00 वाजता महाविद्यालयाच्या आवारामध्ये नोकरी भरती मेळाव्याचे आयोजन केले आहे. पंचक्रोशी व आजूबाजूच्या ग्रामीण व शहरी भागातील विद्यार्थ्यांना स्थानिक पातळीवर रोजगार मिळावा. पदवीधर तरुणांचा ग्रामीण भागाकडे कल वाढावा व मुंबई, पुणे, नाशिक यासारख्या शहरावरील नोकरीचे अवलंबित्व कमी व्हावे याकरिता या मेळाव्याचे आयोजन कोरोना प्रादुर्भावानंतर प्रथमच महाविद्यालया मार्फत होत आहे,
रिलेशनशिप मॅनेजर पदासाठी रिक्रुटमेंट असून कोणत्याही शाखेचा पदवीधर किमान शैक्षणिक पात्रता दहावी, बारावी व पदवी 50 टक्के गुणांनी उत्तीर्ण असावा. 19 ते 25 वर्षे वयाची अट असून पगाराचे वार्षिक पॅकेज 2.7 ते 3.11 लाख आहे. उमेदवारांनी येताना मूळ कागदपत्रे व त्याची छायांकित दोन प्रती घेऊन येणे. विद्यार्थ्यांनी याचा लाभ घेण्याचे आवाहन संस्थेचे अध्यक्ष श्री. अनुरुद्र नारकर, प्रमुख कार्यवाह श्री प्रभाकर नारकर, महाविद्यालयाचा प्राचार्या श्रीम. अनुश्री नारकर, शिक्षक व शिक्षकेत्तर कर्मचारी यांनी केले आहे. संपर्क = प्र. प्रा. अनुश्री नारकर 9403867837, कल्पेश नारकर. 9022987776

प्रतिनिधी, कोकण नाऊ, देवगड