वैज्ञानिक दृष्टीकोन तुम्हाला एक नवीन जाणीव देतो

ज्यावेळी तुम्ही वैज्ञानिक दृष्टीकोन विसरता त्यावेळी तुम्ही स्वतः च्या जीवनाची सुत्रे दुसऱ्यांचा हातामध्ये देता व परावलंबी बनता. पण ज्यावेळी तुम्ही जीवनात वैज्ञानिक दृष्टीकोन स्विकारता त्यावेळी तुम्ही स्वतःच्या जीवनाची सुत्रे स्वतःच्या हातात घेता आणि स्वावलंबी बनता . कारण तुम्हाला वैज्ञानिक दृष्टीकोन एक नवीन जाणीव आणि नवीन दिशा प्राप्त करून देतो . असे प्रतिपादन अखिल भारतीय अंधश्रद्धा निर्मूलन समितीचे जिल्हा संघटक विजय चौकेकर यांनी केले .
मुंबई विद्यापीठ संलग्रित कृष्णराव सिताराम देसाई शिक्षण प्रसारक मंडळाचे स .का . पाटील सिंधुदुर्ग महाविद्यालय मालवणच्या मुलांचा राष्ट्रीय सेवा योजना विभागामार्फत श्रमसंस्कार शिबीर ग्रामसचिवालय साळेल मालवण येथे आयोजित करण्यात आले होते .या शिबिरात समन्वयकांनी मुलांसाठी बौद्धिक चर्चासत्राचे आयोजन केले होते . यातील एक चर्चासत्र तरुणातील अंधश्रद्धा व वैज्ञानिक दृष्टीकोन . याविषयावर मुलांना मार्गदर्शन करताता ते बोलत होते . यावेळी त्यांच्या समवेत विचार मंचावर कार्यक्रम समन्वयक प्रा . एस . पी . खोबरे सर . प्रा . एच . एम चौघुले सर , प्रा . पी बी खरात सर , विद्यार्थी प्रतिनिधी चैताली कुणकवळेकर , गितेश वळंजू, कृष्णा दळवी , रिना मराळ आदी उपस्थित होते . यावेळी विजय चौकेकर यांनी आपल्यात दैवी शक्ती आहे , मी कुणाचा तरी अवतार आहे असे सांगून सर्व सामान्य लोकांची जादूटोणा करून फसवणूक करणारे भोंदू बाबा कसे हातचलाखीने चमत्कार करतात . विविध रासायनिक संयुगाचे प्रयोग करून कसे फसवितात याची विविध प्रात्यक्षिक मुलांना करून दाखविताना संत ज्ञानेश्वर ,संत तुकाराम , संत गाडगेबाबा , महात्मा ज्योतिबा फुले , ज्ञानज्योती सावित्रीबाई फुले , स्वामी विवेकानंद , स्वा. सावरकर यांचे परिवर्तनवादी अभंग व विचार सांगून अनेक प्रात्यक्षिके करून दाखविली : महाराष्ट्र शासनाने पारित केलेला जादूटोणा विरोधी कायदा सविस्तर पणे समजावून दिला .
जादूटोणा विरोधी कायदा जनजागृती प्रचार आणि प्रसार कार्यक्रम अंमलबजावणी समिती सिंधुदुर्ग PIMC आणि अखिल भारतीय अंधश्रद्धा निर्मूलन समिती सिंधुदुर्ग यांचा संयुक्तपणे हे व्याख्यान आयोजित केले होते .