घरात वृद्ध एकटा असल्याचा फायदा उठवत चोरट्यांनी मारला डल्ला

दोन चोरट्यांचा सहभाग

आचरा मारुतीघाटी रस्ता येथील घटना

आचरा येथील मारुतीघाटी रस्त्यालगत असलेल्या घरात वयोवृद्ध एकटाच असल्याचा फायदा उठवत पत्ता विचारण्याचा बहाणा करून घरात घुसलेल्या दोन चोरट्यांनी वयोवृद्धाला लुटल्याची घटना मालवण तालुक्यातील आचरा येथे रविवारी सायंकाळीसाडेसात वाजण्याच्या सुमारास घडली आहे. यामुळे आचरा परीसरात खळबळ उडाली आहे.

वृद्धाला धाक दाखवत वृद्धाच्या अंगावरील सोन्याची चेन, हातातील अंगठी घरातील रोख रक्कम घेऊन वृद्धाच्या घराचा दर्शनी भागाचा दरवाजा बाहेरून कडी लावून बंद करत चोरटे पसार झाले. . घटनेची माहिती मिळाल्यानंतर आचरा पोलीस दाखल झाले होते. चोरट्यांचा माग घेण्यासाठी सोमवारी डॉगस्कॉड, तसेच ठसेतज्ञांना पाचारण करण्यात आले होते.

आचरा पोलीसांनी दिलेल्या माहितीनुसार वयोवृद्ध मारुती वामन वाडेकर वय 76 यांची चोरट्यांनी रुपये 14000 किंमतीची सुमारे दहा ग्रॅम वजनाची सोन्याची साध्या डिझाईनची चैन, रुपये 5000 किंमतीची सोन्याची खड्याची डिझाईन मध्ये मडवलेली अंगठी, घरातील अंदाजित 5000 ची रोख रक्कम असे सर्व मिळून सुमारे 24000 किंमतीच्या मुद्देमालाची चोरी झाली असल्याचे सांगितले. मारुती वामन वाडेकर यांच्या फिर्यादी नुसार अज्ञात दोन चोरट्यानवर कलम 392,451,342,34 प्रमाणे गुन्हा दाखल केला असून फुढील तपास सहाय्यक पोलीस निरीक्षक अनिल व्हटकर हे करत आहेत.

आचरा मारुतीघाटी येथील रस्त्यानजिकअसलेल्या घरात वयोवृद्ध मारुती वामन वाडेकर हे एकटेच राहतात नेहमीप्रमाणे ते आपल्या घरात टीव्हीवर बातम्या बघत बसले होते रविवारी साडेसात वाजण्याच्या सुमारास त्यांच्या बंद दार कोणतरी थोठावले. बाहेर आले आहे हे बघण्यासाठी त्यानी अर्धवट दार उघडून बघितले असता दोन इसम उभे होते त्यांनी नाना पाटेकरचा बंगला कुठे आहे अशी विचारणा केली आम्हला बाहेर येऊन पत्ता सांगा असे सांगू लागलेत मात्र वाडेकर हे बाहेर येत नाहीत असे बघून त्या दोन चोरट्यांनी वाडेकर यांना जोरदार धक्का देत आत ढकलून घरात प्रवेश केला व त्यांच्या गळ्यातील सोन्याची चैन, हातातील अंगठी हुसकावून घेतली. त्याना धाक दाखवत घरातील पैसेही देण्यास भाग पाडले. घरात खोल्यांमध्ये शोधाशोध करत त्यांना ढकलून देत घराचे दर्शनी भागाचा दरवाजा बाहेरून बंद करत चोरटे पसार झालेत. या घटनेनंतर वाडेकर यांनी आपल्या ओळखीच्या व्यक्तींना कॉल करत झालेली घटना सांगून याची खबर आचरा पोलिसांना दिली.

आचरा, प्रतिनिधी