कै.नितीन परब यांचे समाजसेवेचे कार्य सुरु ठेवणे हीच खरी श्रद्धांजली

प्रसंन्ना उर्फ बाळु देसाई , जिल्हा उपाध्यक्ष , भाजपा – सिंधुदुर्ग .

 कै. नितीन परब यांनी आपल्या जीवनात सामाजिक कार्यात झोकून देत काम केले . रक्तदानासारखी चळवळ त्यांनी शिरोडा पंचक्रोशीत सुरु केली . सर्व समाजातील लोकांना सोबत घेऊन विविध सामाजिक उपक्रम घेऊन एक सच्चा समाजसेवक म्हणुन त्याने ख्याती मिळवली . त्याने सुरु केलेली ही सामाजिक चळवळ त्याच्या पश्चात सुरु ठेवणे , हीच खरी कै. नितीन परब यांना श्रद्धांजली ठरेल . असे प्रतिपादन भाजपा जिल्हा उपाध्यक्ष प्रसंन्ना देसाई यांनी केले  .

ऑटो रिक्षा चालक – मालक संघटना – गांधी चौक , शिरोडा आणि मित्रमंडळाच्या वतीने कै. नितीन परब यांच्या वाढदिवसानिमित्त दरवर्षी प्रमाणे शिरोडा उपजिल्हा रुग्णालयात रक्तदान शिबिराचे आयोजन करण्यात आले होते .
सर्वप्रथम कै. नितीन परब यांना श्रद्धांजली वाहण्यात आली . यावेळी भाजपा तालुकाध्यक्ष सुहास गवंडळकर , माजी सभापती प्रीतेश राऊळ , ऑटो रिक्षा चालक – मालक संघटना अध्यक्ष राजेश भानजी , माजी सरपंच मनोज उगवेकर व विजय पडवळ , योगेश प्रभु , सामाजिक कार्यकर्ते बाबल गावडे , ग्रामपंचायत सदस्य मयुरेश शिरोडकर व हेतल गावडे , अण्णा झाटये , राहुल गावडे , रिक्षा युनियन चे कृष्णा गडेकर , गुणा धानजी , संजय गडेकर , दिलीप मोरजकर , पुरुषोत्तम धानजी , सचिन शेलटे , महेश दळवी , दिगंबर केरकर , सुरेश परब , सुरेंद्रनाथ पेडणेकर , तसेच रक्तदाते रुपेश परब , सोमनाथ वेंगुर्लेकर , गणेश लोके , निखिल आरोसकर , कृष्णा वेंगुर्लेकर , अक्षय जगदाळे , सागर फडतरे तसेच जिल्हा रुग्णालय रक्तपेढीचे कर्मचारी उपस्थित होते .

सावंतवाडी प्रतिनिधि