सांघिक भावनेने खेळ करा !

व्हरेनियम क्लाऊडच्या – मुकुंदन राघवन यांचे आवाहन

व्हरेनियम – कोकण नाऊ प्रीमियर लीग चा शुभारंभ

प्रतिनिधी । मालवण : या भव्य क्रिकेट स्पर्धेचे आयोजन केल्याबद्दल मी कोकण नाऊचे संचालक विकास गावकर यांचे अभिनंदन करतो. त्याच बरोबर मी सर्व सहभागी संघ आणि खेळाडू यांना शुभेच्छा देतो. या स्पर्धेत सर्वानी चांगला खेळ करावा. सांघिक खेळ भावनेने आपले सामने खेळावेत. मी सर्वाना पुन्हा एकदा शुभेच्छा देतो. अशा शब्दात व्हरेनियम क्लाऊडचे चीफ अँड नेटवर्क हेड मुंबई मुकुंदन राघवन यांनी कोकण नाऊ आयोजित या क्रिकेट स्पर्धेला शुभेच्छा दिल्या.या स्पर्धेचा शुभारंभ आज मालवणच्या बोर्डिंग ग्राउंडवर झाला त्यावेळी ते बोलत होते.
यावेळी भाजपचे प्रदेश सचिव माजी खासदार निलेश राणे, विशाल सेवा फाउंडेशनचे संचालक तथा उद्योजक विशाल परब, व्हरेनियम क्लाऊडचे चीफ अँड नेटवर्क हेड मुंबई मुकुंदन राघवन, व्हरेनीअम हेड अँड आयटी मॅनेजर विनायक जाधव, बँक ऑफ बरोडाचे कुणालकुमार, जि प चे माजी अध्यक्ष अशोक सावंत, माजी नगराध्यक्ष सुदेश आचरेकर, दीपक पाटकर, पत्रकार परिषदेचे पदाधिकारी नंदकिशोर महाजन, कोकण नाऊचे संचालक विकास गावकर, सौ. वैशाली गावकर, ओंकार गावकर आदी मान्यवरउपस्थित होते.

प्रतिनिधी, कोकण नाऊ, मालवण.