जाळ्यात अडकलेल्या खवले मांजराची सुटका

आचरा अर्जुन बापर्डेकर तोंडवळी येथे खवले मांजर जाळ्यात अडकल्याची खबर मिळताच वनविभाग कर्मचारयांनी तातडीने घटनास्थळी जात खवले मांजराला ताब्यात घेऊन पशुवैद्यकीय अधिकारयांकडून तपासणी करुन नैसर्गिक अधिवासात सोडले.

तोंडवली येथे हॉटेल नित्यानंद या ठिकाणी खवले मांजर जाळ्यात अडकल्याची माहिती हिरेन्द्र घाडी यांनी वनविभागाचे परीमल वन अधिकारी श्रीकृष्ण परीट यांना देताच त्यांनी वनकर्मचारी अमोल परब यांच्या सह तात्काळ घटनास्थळी जाऊन ग्रामस्थ हितेंद्र घाडी, सिझर फर्नांडीस, राजन तोंडवळकर,भास्कर पडवळ आदींच्या मदतीने खवले मांजरास सुरक्षित पकडून ताब्यात घेतले.वनविभागाचे उपवनसंरक्षक रेड्डी सहाय्यक वनसंरक्षक सुनील लाड वनशेत्रपाल कुडाळ संदीप कुंभार यांचे मार्गदर्शनाखाली सदर खवले मांजराची तपासणी पशुधन विकास अधिकारी मालवण डॉक्टर दळवी यांचे कडून करून घेऊ सुखरूप नैसर्गिक अधिवासात मुक्त केले खवले मांजर जैवविविधता परिसंस्थेतील प्रमुख घटक आहे तसेच तो सध्याच्या काळात दुर्मिळ होत चाललेला प्राणी असल्यामुळे त्याला 1972 च्या कायद्याने संरक्षित केलेले असल्याची माहिती वनविभागाकडून देण्यात आली.