अणुऊर्जेचा वापर जनजागृती कार्यशाळा आणि अणुभट्टी प्रदर्शन

इंडियन न्यूक्लिअर सोसायटी तसेच इंडियन नॅशनल यंग अकॅडमी ऑफ सायन्स व न्यूक्लिअर पॉवर कॉर्पोरेशन ऑफ इंडिया लिमिटेड यांच्या संयुक्त विद्यमाने सिंधुदुर्गात एस एस पी एम अभियांत्रिकी कॉलेज, कणकवली आणि विद्यानिकेतन कॉन्व्हेंट स्कूल, कसाल या ठिकाणी अनुक्रमे 6 आणि 7 ऑक्टोबर रोजी अणुऊर्जा वापर जनजागृती कार्यशाळा आयोजित करण्यात आली आहे. ही कार्यशाळा सकाळी 10 ते सा. 5:30 या वेळेत होणार आहे .
या कार्यशाळेत भाभा अणुसंशोधन केंद्र चे शास्त्रज्ञ डॉ. विवेक पारकर , विनय वझे , डॉ. मोहित त्यागी, डिपार्टमेंट ऑफ ॲटॉमिक एनर्जीचे एस मल्होत्रा, न्यूक्लिअर पॉवर कॉर्पोरेशन ऑफ इंडिया लिमिटेडचे उदय कशेळीकर आणि इंडियन न्यूक्लिअर सोसायटी चे अध्यक्ष डॉ. बी. एन. जगताप हे विद्यार्थी व पालकांना मार्गदर्शन करणार आहेत. पाहूया अणुच्या अंतरंगात, अणु तंत्रज्ञान आणि प्रगती, नाभिकीय ऊर्जा आवश्यकता क्रांती एवं वास्तविकरण, अणुऊर्जा स्वच्छतेसाठी अपरिहार्य पर्याय आणि हरित वीज निर्मिती, तसेच डिपार्टमेंट ऑफ ॲटॉमिक एनर्जी मध्ये उपलब्ध असलेल्या संधी याविषयी सकाळच्या सत्रात मार्गदर्शन देण्यात येईल.

दुपारच्या सत्रात न्यूक्लिअर पॉवर कॉर्पोरेशन ऑफ इंडिया लिमिटेड तर्फे अणुभट्टींच्या विविध मॉडेलचे प्रात्यक्षिक व प्रदर्शन दाखविण्यात येणार आहे.

न्यूक्लिअर पॉवर कॉर्पोरेशन ऑफ इंडिया लिमिटेड याची स्थापना 1987 मध्ये भारत सरकारने डिपार्टमेंट ऑफ ॲटॉमिक एनर्जी यांच्या अंतर्गत केली आहे. त्यांच्या माध्यमातून 7580 मेगाव्याटच्या 23 अणुभट्ट्यांचे बांधकाम झाले आहे व 7500 मेगावॅटच्या अणुभट्ट्यांचे काम सध्या चालू आहे.
इंडियन न्यूक्लिअर सोसायटी ही नोंदणीकृत संस्था असून अणुविज्ञान व तंत्रज्ञान तसेच विज्ञान, अभियांत्रिकी, या क्षेत्रात विज्ञानाच्या प्रगतीला चालना देण्याच्या दृष्टीने कार्यरत आहे. इंडियन नॅशनल यंग अकॅडमी ऑफ सायन्स ही संस्था विज्ञानातील वेगवेगळ्या क्षेत्रात जनजागृती करण्याचे काम करत आहे.

ही कार्यशाळा मोफत असून आगाऊ नाव नोंदणी करणे आवश्यक आहे.‌अणु विज्ञान मध्ये विशेष रूची असलेल्या व याबद्दल माहिती जाणून घेण्यास इच्छुक असणाऱ्या सिंधुदुर्ग जिल्ह्यातील शालेय विद्यार्थी, शिक्षक व पालकांनी या संधीचा लाभ घ्यावा असे आवाहन एस एस पी एम अभियांत्रिकी कॉलेज, कणकवली आणि विद्यानिकेतन कॉन्व्हेंट स्कूल कसाल तर्फे करण्यात येत आहे. नोंदणीसाठी प्रा. दर्शन म्हापसेकर (एस एस पी एम अभियांत्रिकी कॉलेज, कणकवली) – 7517206125 आणि सौ.सुषमा केणी (विद्यानिकेतन कॉन्व्हेंट स्कूल, कसाल) – 9284035326 यांना संपर्क करावा.

कसाल प्रतिनिधी