ह्यूमन राईट असोसिएशन फॉर प्रोटेक्शन ची सावंतवाडी तालुका कार्यकारणी जाहीर

सौ.मोहीनी मडगांवकर यांची कार्याध्यक्षपदी,तन्वीर खतीब तालुका अध्यक्षपदी तसेच सचिव पदी ॲड संदीप चांदेकर, उपाध्यक्ष सोहम शारबिंद्रे यांची निवड

खारेपाटण : ह्यूमन राईट असोसिएशन फॉर प्रोटेक्शनच्या सावंतवाडी तालुका कार्यकारणीची निवड करण्यात आली आहे.माजी अध्यक्ष सौ.मोहीनी मडगांवकर यांची कार्याध्यक्षपदी आणि तन्नवीर खतीब यांची सावंतवाडी तालुका अध्यक्षपदी निवड करण्यात आली आहे. तर सचिव म्हणून ॲड.संदीप चांदेकर यांची निवड करण्यात आली आहे.
संघटनेची वार्षिक सर्वसाधारण सभा नुकतीच कोकण विभागीय अध्यक्ष संतोष नाईक व जिल्हाध्यक्ष मंदार काणे जिल्हा महिला संघटक सौ.शिवानी पाटकर यांच्या प्रमुख उपस्थितीत पार पडली होती.या बैठकीत नवीन कार्यकारिणी निवडण्यात येऊन ती राज्य कार्यकारिणीकडे मंजूरीसाठी पाठविण्यात आली होती.राज्य संघटनेच्या मंजूरीनंतर सावंतवाडी तालुका कार्यकारणी जाहीर करण्यात आली आहे.

 सावंतवाडी तालुक्याची नव्याने निवडण्यात आलेली कार्यकारणी पुढील प्रमाणे- कार्याध्यक्ष- सौ.मोहीनी मडगांवकर , तालुका अध्यक्षपदी- तन्नवीर खतीब  तर उपाध्यक्ष - सोहम शारबिंद्रे आणि सचिव म्हणून ॲड.संदीप चांदेकर तसेच संघटक म्हणून ॲड.अश्रफ शेख आणि महिला संघटक म्हणून सौ.अवंती पंडित, जनसंपर्क अधिकारी म्हणून अमोल चव्हाण यांची निवड करण्यात आली आहे.या निवडीबद्दल सर्वत्र अभिनंदन करण्यात येत आहे.

 राष्ट्रीय अध्यक्ष खंडूदेव  कटारे व राष्ट्रीय उपाध्यक्ष प्रमोद केसरकर तसेच महाराष्ट्र राज्य सचिव राकेश शिंदे व राज्य निरीक्षक घन:श्याम सांडीम यांच्या मार्गदर्शना नुसार कोकण विभागीय अध्यक्ष  संतोष नाईक,जिल्हाध्यक्ष मंदार काणे, जिल्हा महिला संघटक सौ.शिवानी पाटकर यांनी सावंतवाडी तालुका कार्यकारणी जाहीर केली.

अस्मिता गिडाळे / कोकण नाऊ / खारेपाटण