खारेपाटण येथील झुंजार मित्र मंडळ च्या वतीने भव्य क्रिकेट स्पर्धेचे आयोजन

अंतिम विजेता संघाला १,११,१११/- रुपये तर उपविजेता संघाला ५१,१११/- रुपये बक्षिसे

खारेपाटण : खारेपाटण येथील सामाजिक,शैक्षणीक, सांस्कृतिक व क्रीडा शेत्रात अग्रेसर असलेल्या झुंजार मित्र मंडळ खारेपाटण या सामाजिक मंडळाच्या वतीने मर्यादित षटकांच्या भव्य रकमेच्या टेनिस बॉल ओहरआर्म क्रिकेट स्पर्धेचे आयोजन दी.१५ फेब्रुवारी ते १९ फेब्रुवारी २०२३ या कालावधीत करण्यात आल्याची माहिती झुंजार मित्र मंडळ खारेपाटण चे कार्यवाह व शिवसेना कणकवली उपतालुका प्रमुख श्री महेश कोळसुकर यांनी प्रसिध्दी पत्रकाद्वारे दिली.
महाराष्ट्राचे आराध्य दैवत श्री छत्रपती शिवाजी महाराज यांच्या जयंती दिनाचे औचित्य साधून भरविण्यात आलेल्या या क्रिकेट स्पर्धेत अंतिम विजेता संघाला रोख रक्कम १,११,१११/- रुपये व आकर्षक चषक तर उपविजेता संघाला रोख रुपये ५१,१११/- रुपये व आकर्षक चषक मंडळाच्या वतीने देण्यात येणार आहेत. तसेच स्पर्धेच्या उपांत्य फेरीत पराभूत प्रत्येकी संघाना रोख रुपये ५०००/- रुपये व आकर्षक चषक देण्यात येणार आहेत. तसेच उत्कृष्ट फलंदाज, गोलंदाज, शेत्ररशक,मालिकावीर व सामनाविर यांना आकर्षक चषक देऊन गौरविण्यात येणार आहे.
खारेपाटण येथील शिवसेना शाखेच्या समोर असलेल्या भव्य ब्रम्हपूरी मैदानवर या क्रीडा स्पर्धा संपन्न होणार असून या स्पर्धेची प्रवेश फी ५०००/- रुपये ठेवण्यात आली आहे. प्रथम नोंदणी करणाऱ्या फक्त २४ संघाना या स्पर्धेत प्रवेश देण्यात येणार असून संघाची नाव नोदणी करताना ३०००/- ॲडव्हॅन्स फी भरुन आपला प्रवेश नि्चित करावा लागणार आहे. तर या स्पर्धेचे संपूर्ण टेनिस स्पोर्ट यु ट्युब वरून लाईव्ह प्रशेपन करण्यात येणार आहे.
तरी ज्या संघाना या स्पर्धेत प्रवेश घ्यावयाचा आहे त्यांनी आपली नावे मंडळाचे कार्यकर्ते श्री गोट्या कोळसुलकर – ९४२११४४०६८, दिगंबर राऊत – ७०८३१०३३४६, गुगल पे नंबर – ९४२३८३३३४६ याचेकडे नोंदवावी.तसेच जास्तीत जास्त संघांनी या क्रिकेट स्पर्धेत सहभागी व्हावे असे आवाहन झुंजार मित्र मंडळाचे कार्यवाह श्री महेश कोळसुलकर यांनी केले आहे.

अस्मिता गिडाळे / कोकण नाऊ / खारेपाटण