भाजपाच्या रत्नागिरी – सिंधुदुर्ग चे लोकनेते प्रमोद जठार यांच्या वाढदिवसानिमित्त विविध कार्यक्रम

गझल व सुरांची रंगणार मैफिल

पालकमंत्री रवींद्र चव्हाण यांच्यासह भाजपाचे नेतेमंडळी राहणार उपस्थित

कणकवली : भाजपाचे ज्येष्ठ नेते भाजपाची सिंधुदुर्ग व रत्नागिरी जिल्ह्यातील मुलुख मैदानी तोफ समजले जाणारे व रत्नागिरी येथील ग्रीन रिफायनरी चे कट्टर समर्थक असलेले माजी आमदार, सिंधुरत्न समृद्ध योजना समितीचे सदस्य, तथा महाराष्ट्र भाजपा प्रदेश सचिव प्रमोदजी जठार यांचा 58 वा वाढदिवस बुधवार 19 एप्रिल रोजी कणकवली तालुक्यातील प्रमोद जठार यांच्या कासार्डे येथील निवासस्थानी सायंकाळी सात वाजता विविध उपक्रम व कार्यक्रमाने साजरा होणार आहे. यावेळी राज्यासह जिल्ह्यातील भाजपचे नेते मंडळी उपस्थित राहणार आहेत.
या सोहळ्याला पालकमंत्री रवींद्र चव्हाण, माजी खासदार डॉ. निलेश राणे, आमदार नितेश राणे भाजपा जिल्हाध्यक्ष राजन तेली, भाजपा नेत्या चित्रा वाघ, माजी आमदार अजित गोगटे, जिल्हा बँक अध्यक्ष मनीष दळवी, जिल्हा बँक उपाध्यक्ष अतुल काळसेकर, संध्या तरसे, भाई सावंत, आदी मान्यवर उपस्थित राहणार आहेत.या वाढदिवसानिमित्त विविध सांस्कृतिक कार्यक्रम आणि स्नेहभोजनाचा कार्यक्रमही आयोजित केला आहे. स्थानिक कलाकारांच्या खास आग्रहास्तव ऋतुवेद प्रस्तुत “स्वर झंकार ” गीत, गझल, नाट्य, नृत्य कार्यक्रमाचे देखील आयोजन करण्यात आले आहे. तसेच या निमित्ताने प्रमुख जठार यांच्या कार्य अहवालाचे प्रकाशन देखील करण्यात येणार आहे. या कार्यक्रमाचा लाभ घेण्यासाठी तसेच प्रमोद जठार यांच्या अभिष्टचिंतन सोहळ्याला उपस्थित राहण्याचे आवाहन प्रमोद जठार मित्र मंडळाच्या वतीने करण्यात आले आहे.

दिगंबर वालावलकर कणकवली