डॉ. प्रत्युष रंजन बिस्वाल यांना आंतरराष्ट्रीय फिजिओ आयकॉन अवॉर्ड

डॉ. बिस्वाल बॅ. नाथ पै फिजिओथेरपी कॉलेजचे प्र. प्राचार्य

येथील बॅ. नाथ पै कॉलेज ऑफ फिजिओथेरपी कुडाळ, सिंधुदुर्गचे प्रभारी प्राचार्य डॉ. प्रत्युषरंजन बिस्वाल यांना नुकत्याच गोवा येथे झालेल्या इंडियन इंटरनॅशनल फिजिओथेरपी काँग्रेसमध्ये (आयआयपीसीमध्ये) प्रतिष्ठेचा फिजिओ आयकॉन अवॉर्ड प्रदान करण्यात आला.
IIPC (इंडियन इंटरनॅशनल फिजिओथेरपी काँग्रेस) ही एक अग्रगण्य व्यासपीठ आहे. जी जगभरातील तज्ज्ञ, आघाडीचे चिकित्सक, शिक्षणतज्ज्ञ आणि संशोधकांना फिजिओथेरपीमधील उदयोन्मुख पुनर्वसन प्रवृत्तींवर ज्ञानाची देवाणघेवाण करण्यासाठी एकत्र आणते. या परिषदेत आंतरराष्ट्रीय वक्ते, प्रात्यक्षिक कार्यशाळा आणि आरोग्यसेवेच्या भविष्यावर केंद्रित वैज्ञानिक कार्यक्रमाचा समावेश होता.
‘फिजिओ आयकॉन अवॉर्ड’ हा या इंडियन इंटरनॅशनल फिजिओथेरपी काँग्रेसचा सर्वोच्च सन्मानांपैकी एक असून सदर पुरस्कार सोहळ्याच्या रात्री बिशेष प्रमुख उपस्थित मान्यवर यांच्या शुभहस्ते प्रदान केला जातो. पुरस्कार प्राप्तीसाठी आलेल्या नामांकनांचे मूल्यमापन ज्येष्ठ तज्ज्ञांच्या समितीने आणि IIPC आयोजन समितीने तर्फे केले जाते. ज्यामध्ये उमेदवारांचा व्यावसायिक प्रवास आणि सामाजिक योगदान यांच्या आधारे विजेत्यांची निवड करण्यात येते.
हा पुरस्काराद्वारे फिजिओथेरपी क्षेत्रातील असामान्य योगदानाची दखल घेतली जाते. ज्यामध्ये नैदानिक उत्कृष्टतेप्रती समर्पण, संशोधनातील नाविन्यपूर्णता आणि व्यावसायिक प्रगती यांचा गौरव केला जातो.