श्री देवी शांतादुर्गा हायस्कूल वडाचापाट चे उल्लेखनीय कार्य

श्री देवी शांतादुर्गा हायस्कूल वडाचापाट या प्रशालेस प्रजासत्ताक दिनाचे औचित्य साधून हरित सेना योजने अंतर्गत पर्यावरण संरक्षण वृक्षारोपण अभियानात उत्कृष्ट कामगिरी केल्याबद्दल सामाजिक वनीकरण विभाग, सिंधुदुर्ग यांच्यामार्फत सन्मानपत्र देऊन विशेष सन्मानित करण्यात आले.
श्री. राजेंद्र मगदूम (विभागीय वनअधिकारी, सामाजिक वनीकरण विभाग, सिंधुदुर्ग)यांच्या हस्ते प्रशालेचे मुख्याध्यापक श्री. प्रसाद कुबल यांना सन्मानपत्र बहाल करण्यात आले.
गेली अनेक वर्ष प्रशालेत समाजोपयोगी विविध उपक्रम सुरू आहेत. चालू वर्षात प्रशालेत 2000 सागाच्या रोपांची नर्सरीची निर्मिती करण्यात आली. त्याचप्रमाणे 1000 रक्तचंदन रोपांच्या नर्सरीची निर्मिती करण्यात आली. गावातील शेतकऱ्यांना शेतीसाठी पाणी मिळावे. म्हणून वनराई बंधारा बांधण्यात आला. इत्यादी अनेक उपक्रम शाळेने चालू वर्षात राबविल्यामुळे त्याचप्रमाणे प्रशालेत गेली अनेक वर्षे खाजगी कंपन्यांकडून निधी उपलब्ध करून मोफत रोपवाटप करून परिसर हरितमय करण्याचे कार्य सुरु आहे.हरित सेनेने प्रशालेच्या कार्याची नोंद घेतली. आणि प्रशालेचा विशेष सन्मान केला .
याप्रसंगी श्रीम. वर्षा कोळेकर( सहाय्यक वनसंरक्षक अधिकारी ), हरितसेना पदाधिकारी, सिंधुदुर्ग जिल्ह्यातील उल्लेखनीय काम करणाऱ्या शाळेतील शिक्षक, हरीत सेना शिक्षिका प्रतिभा केळूसकर,इ. उपस्थित होते.