खारेपाटण येथे महामार्गाच्या दोन्ही बाजूने होणार सर्व्हिस रोड

महामार्गा लगत असलेल्या विद्युत व जल वाहिण्याचे होणार स्थलांतर

मुंबई – गोवा राष्ट्रीय महामार्गावरील खारेपाटण या गावात महामार्गाचे काम पूर्ण झाल्यानंतर सुधा रस्त्याच्या दोन्ही बाजूने अत्यावश्यक असणाऱ्या सर्व्हिस रोड चे काम भूसंपादन करण्यात आले असताना देखील
अपूर्ण ठेवण्यात आले होते.आता मात्र या अपूर्ण असलेल्या सर्व्हिस रोड चे काम लवकरच पूर्ण करण्यात येणार असून याबाबत नुकतेच महामार्ग प्राधिकरणाच्या वतीने संबधीत खात्याच्या अधिकाऱ्यांच्या उपस्थित संभाव्य सर्व्हिस रोड कामाची पाहणी करण्यात आली.
यावेळी खारेपाटण सरपंच सौ प्राची ईसवलकर,उपसरपंच श्री महेंद्र गुरव,महाराष्ट्र राज्य जीवन प्राधिकरणाचे प्रतिनिधी श्री जाधव साहेब,महाराष्ट्र राज्य विद्युत विभगाचे श्री खोत साहेब,महाराष्ट्र राज्य सार्वजनिक बांधकाम विभाग खारेपाटण उपविभगिय कार्यालयाचे अभियंता बी जी कुमावत,खारेपाटण ग्रामविकास अधिकारी श्री. जि.सी. वेंगुर्लेकर आदी प्रमुख पदाधिकारी व अधिकारी उपस्थित होते.
खारेपाटण येथील मुंबई – राष्ट्रीय महामर्गावरील पी डब्लू ऑफिस ते खारेपाटण रोड रेल्वे स्टेशन रोड ब्रीज पर्यंत ते पुढे मधुबन हॉटेल ते संभाजी नगर बस स्टॉप पर्यंत सर्व्हिस रोड चे काम करण्यात येणार असून खारेपाटण पीक अप शेड वरचे स्टँड बस थांबा ते सभाजी नगर गुरवावडी खारेपाटण इथपर्यंत सर्व्हिस रोड चे काम करण्यात येणार आहे. दरम्यान या सर्व्हिस रोड कामामध्ये बाधित होणाऱ्या जल व विद्युत वाहिनी स्थलांतरित करण्यात येणार असून त्याचे अंदाजत्रक तयार करून संधीत खात्यांना पाठविण्यात येणार आहे.
खारेपाटण महामर्गाच्या दोन्ही बाजूने होणाऱ्या या संभाव्य सर्व्हिस रोड ची पाहणी नुकतीच खारेपाटण सरपंच प्राची ईसवलकर व उपसरपंच श्री महेंद्र गुरव यांनी संबधीत खात्यांच्या अधिकाऱ्या समवेत केली.तर सुमारे २ किलो मिटर लांब व साडे पाच फूट रुंद असा महामर्गाच्या दोन्ही बाजूने सर्व्हिस रोड करण्यात येणार आहे. तर खारेपाटण येथे महामार्गाच्या दोन्ही बाजूने होणाऱ्या या सर्व्हिस रोड करीता महामार्ग प्रधीकरणाच्या वतीने या पूर्वीच भू संपादन करण्यात आलेले असून नव्याने भू संपादन करण्यात येणार नसल्याचे यावेळी सांगण्यात आले. तर या सर्व्हिस रोड मुळे खारेपाटण महामार्गावरील होणारे अपघात कमी होण्यास मदत होणार आहे.