शेठ न.म. विद्यालय व उद्योगश्री प्र.ल. पाटील ज्युनिअर कॉलेज खारेपाटण येथे सन १९८०-८१ च्या दहावी बॅचचे गेट-टुगेदर संपन्न

प्रजासत्ताक दिनी संस्थेचे विश्वस्त विजय जयराम देसाई यांच्या वाढदिवसाचे औचित्य साधून इयत्ता दहावी च्या १९८०-८१ बॅच मधील विद्यार्थ्यांनी सलग तिसऱ्या वर्षी एकत्र येत स्नेह भेटीचा आनंद घेतला. याप्रसंगी या बॅचच्या एकूण 25 माजी विद्यार्थ्यांनी उपस्थित राहून श्री. देसाई यांना वाढदिवसाच्या शुभेच्छा दिल्या. यानिमित्ताने प्रशालेच्या संपूर्ण परिसरास या विद्यार्थ्यांनी भेट देऊन आपल्या जुन्या आठवणींना उजाळा दिला. सदर बॅचच्या विद्यार्थ्यांनी यापूर्वी प्रशालेतील एक वर्गखोली सुमारे दोन लाख रुपये खर्च करून नूतनीकरण करून दिली. यावर्षी प्रजासत्ताक दिनाच्या निमित्ताने एकत्र आलेल्या या विद्यार्थ्यापैकी श्री. विजय जयराम देसाई, श्री. मोहन भास्कर कावळे, आणि श्री.रवींद्र सिताराम मण्यार यांनी प्रत्येकी ११०००/- याप्रमाणे प्रशालेला रोख रक्कम रु. 33000/-देणगी स्वरूपात दिली. तसेच शालेय परिसरात बैठक व्यवस्थेसाठी दोन बेंच उपलब्ध करून दिल्या. भविष्यात आणखी आर्थिक मदत करण्याचं आश्वासन प्रशालेचे विश्वस्त श्री विजय जयराम देसाई यांनी याप्रसंगी बोलताना व्यक्त केले.
खारेपाटण पंचक्रोशी शिक्षण प्रसारक मंडळाचे अध्यक्ष श्री. प्रवीण लोकरे उपाध्यक्ष श्री. भाऊ राणे सचिव श्री. महेश कोळसुलकर संस्थेचे सर्व विश्वस्त, प्रशालेचे प्राचार्य श्री. संजय सानप, पर्यवेक्षक श्री. संतोष राऊत यांनी या बॅचच्या विद्यार्थ्यांचे आभार व्यक्त केले.