खारेपाटण हायस्कूल -ज्युनिअर कॉलेज येथे २९ डिसेंबर २०२४ रोजी माजी विद्यार्थी भव्य स्नेहमेळाव्याचे आयोजन

खारेपाटण पंचक्रोशी शिक्षण प्रसारक मंडळ खारेपाटण संचलित शेठ नवीनचंद्र मफतलाल विद्यालय खारेपाटण या हायस्कूलच्या व कै.प्रभाकर पाटील आर्ट्स कॉमर्स अँड सायन्स ज्युनियर कॉलेज खारेपाटण तसेच तात्यासाहेब मुसळे तांत्रिक विद्याभवन द्वीस्तरिय व्यवसाय अभ्यासक्रम टेक्निकल कॉलेज मधील आजपर्यंतच्या सर्व माजी विद्यार्थ्यासाठी प्रथमच मोठ्या स्वरूपातील भव्य स्नेहमेळाव्याचे आयोजन दि.२९डिसेंबर २०२४ रोजी खारेपाटण हायस्कूल येथे करण्यात आले असून या मेळाव्याला खारेपाटण हायस्कूल व ज्युनियर कॉलेजच्या जास्तीत जास्त माजी विद्यार्थ्यांनी उपस्थित राहावे.असे आवाहन खारेपाटण हायस्कूलचे मुख्याद्यापक श्री संजय सानप यांनी प्रसिध्दी पत्रकाद्वारे केले आहे.
सदर मेळाव्याला सर्व आजी-माजी शिक्षक,तसेच आजी – माजी विद्यार्थी उपस्थित राहणार आहेत. तर या कार्यक्रमामध्ये माजी विद्यार्थ्यांच्या सांस्कृतिक कार्यक्रमाचे देखील आयोजन करण्यात आले असून संपूर्ण दिवसभर माजी विद्यार्थ्यांच्या अनेक विविध कार्यक्रमाचे आयोजन यानिमित्ताने केले जाणार आहे. तरी जास्तीत जास्त माजी विद्यार्थ्यांनी या कार्यक्रमाला उपस्थित राहून आपल्या जुन्या आठवणींना उजाळा द्यावा असे आवाहन खारेपाटण पंचक्रोशी शिक्षण प्रसारक मंडळाचे अध्यक्ष श्री प्रवीण लोकरे ,उपाध्यक्ष श्री भाऊ राणे ,सचिव श्री महेश कोळसुलकर ,सर्व संचालक मंडळ, प्रशालेचे प्राचार्य श्री संजय सानप , पर्यवेक्षक श्री संतोष राऊत व सर्व शिक्षक यांनी केले आहे.