कणकवली शहरात संदेश पारकर यांच्या प्रचाराचा झंझावात

कणकवली शहरात घरोघरी भेटी देत साधला जनतेशी संवाद

मतदारांनी मोठ्या मताधिक्याने विजयी करण्याचे केले आवाहन

कणकवली विधानसभेचे महाविकास आघाडीचे शिवसेना उद्धव बाळासाहेब ठाकरे पक्षाचे धडाडीचे उमेदवार संदेश पारकर यांनी आज दिवाळी दिवशी कणकवली शहरात घरोघरी भेट देत नागरिकांशी संवाद साधत मतदान करण्याची आवाहन केले. कणकवली शहर व संदेश परकर यांचे एक जवळचे नाते आहे. कणकवली शहराचे सरपंच त्यानंतर नगराध्यक्ष पदावर संदेश पारकर केली अनेक वर्ष काम केले आहे. संदेश पारकर हे कणकवली साठी आपलेसे वाटणारे नेतृत्व असल्याचे मत अनेक नागरिकांनी यावेळी व्यक्त केल्याचे श्री पारकर यांनी सांगितले. यावेळी त्यांच्यासोबत युवा सेना जिल्हाप्रमुख सुशांत नाईक, माजी नगरसेवक रुपेश नार्वेकर, चेतन अंधारी, पराग म्हापसेकर, अजू मोरये, प्रसाद अंधारी, उमेश वाळके, सोहम वाळके आदी उपस्थित होते. कणकवली शहरातील प्रचार फेरीला उस्फूर्त प्रतिसाद मिळाल्याची माहिती श्री पारकर यांनी दिली.