शिवाजीनगर मंदिरातील साहित्य रस्त्यालगत अस्ताव्यस्त

साहित्य सहित एका अनोळखी व्यक्तीला ताब्यात

कणकवली शिवाजीनगर येथे रविवारी दुपारी 3 वा मंदिरातील पूजेचे सामान रस्त्यालगत मिळाल्याने खळबळ उडाली आहे. त्या पिशवी शेजारी एक अनोळखी व्यक्ती देखील बसलेला होता. त्याच्याकडून पोलिसांना विसंगत माहिती मिळत असल्याने पोलिसांनी त्याला देखील ताब्यात घेतली आहे. या बाबत माहिती मिळताच शिवाजीनगर मध्ये मोठ्या प्रमाणात नागरिक जमा झाले होते.
कणकवली तालुक्यामध्ये गेली काही महिने मंदिरात चोरीच्या घटना घडत आहेत. आणि आज कणकवली शहरामध्ये रविवारी दुपारी तीनच्या सुमारास शिवाजीनगर येथील एका आंब्याच्या झाडाखाली पांढऱ्या सिमेंटच्या गोणीमध्ये मंदिरातील सामान आढळून आले. त्याच्या बाजूला एक व्यक्ती देखील बसला होता तो विसंगत माहिती सांगत असल्याने नागरिकांनी पोलिसांना बोलावले स्थानिक गुन्हा शाखेचे पोलीस ताबडतोब तेथे दाखल होऊन त्याला विचारणा केली व तेथील सामान व त्या व्यक्तीला ताब्यात घेतले. त्यावेळी त्या त्या साहित्या मध्ये घंटा मोठी 1 लहान 2 , नामनदिवे 1 समई 1,पंचारत 1,फुलपत्र 1 ,तामन 1 पळी 1 पद्धतीचे आढळून आले. ठाणे गुन्हा अन्वेषण विभागाचे पीएसआय अरबी शेळके ,राजू जामसांडेकर ,पोलीस हवालदार खंडे, ए स आय गुरुनाथ कोयंडे ,कणकवली पोलीस हवालदार घाडीगावकर महिला पोलीस प्रणाली जाधव उपस्थित होते.

कणकवली प्रतिनिधी