शाळकरी विद्यार्थ्यांसाठी, कळसुली एसटी फेरी सुरू करा!

भाजप युवा मोर्चा अध्यक्ष कळसुली प्रथमेश दळवी व काँग्रेस जिल्हा सरचिटणीस रुजाय फर्नांडिस यांची मागणी

कळसुली इंग्लिश स्कूल कळसुली हायस्कूल येथे हळवल, शिरवल या गावातील ६५ ते ७० शाळकरी विद्यार्थी एसटीने ये जा करत असतात. शाळकरी विद्यार्थ्यांसाठी बस वेळेवर सोडत नाही. यामुळे शाळकरी विद्यार्थ्यांना कसरत करत घर गाठावे लागते. व तरी थोड्या दिवसांनी १० व १२ वी परिक्षा सुरु होत आहेत. तरी विद्याथ्यांचे शैक्षणिक नुकसान होऊ नये म्हणून आपण बस वेळेवर सोडावे, शाळकरी विद्यार्थ्यांसाठी सकाळी ९:३० वा. आणि संध्याकाळी ४:०० वा. या वेळेत बस सुरू करण्यात यावी, अशी मागणी भाजप युवा मोर्चा अध्यक्ष कळसुली प्रथमेश दळवी व राष्ट्रवादी युवक काँग्रेस जिल्हा सरचिटणीस रुजाय फर्नांडिस, यांनी कणकवली आगार व्यवस्थापकांना केली आहे.

एसटी बस सुरु झाली तर, विद्यार्थ्यांची गैरसोय दूर होईल. शाळकरी विद्यार्थ्यांना नाहक त्रास झाल्यास आंदोलन छेडण्यात येईल. असा इशारा राष्ट्रवादी युवक काँग्रेस जिल्हा सरचिटणीस रुजाय फर्नांडिस व भाजप युवा मोर्चा अध्यक्ष कळसुली यांच्या वतीने देण्यात आला. यावेळी, डेविड फर्नांडिस, शुभम पारधीये, ब्रवीन सावंत, आदी कळसुली गावातील ग्रामस्थ आणि कार्यकर्ते उपस्थित होते.

कणकवली प्रतिनिधी