नेरूर-देसाईवाडी येथील श्री मल्हार स्मृती मंदिरात उत्सव साजरा

कुडाळ : नेरूर देसाईवाडी येथील श्री मल्हार स्मृती मंदिर या ठिकाणी आज सकाळी ११ वाजता आरवकर भटजी यांच्या हस्ते विधिवत संपन्न झाली. त्यानंतर १२ वाजता आरती आणि १२:३० वाजता महाप्रसादाला सुरुवात झाली. दरवर्षीप्रमाणे यावर्षी सर्व देसाई बंधूंच्या मूळ घरी पूजा गाऱ्हाणी झाली. दरवर्षीप्रमाणे कलेश्वर मंदिर नेरूर येथे महाशिवरात्र उत्सव झाला की, त्याच्या तिसऱ्या दिवशी मल्हार मंदिरात देसाई परिवाराच्या वतीने हा कार्यक्रम केला जातो. गेली अनेक शतके हा कार्यक्रम सुरू आहे. आजचा हा कार्यक्रम मोठ्या उत्साहात साजरा झाला. सर्व देसाई परिवाराने या कार्यक्रमास आपली उपस्थिती दर्शविली. देसाईवाडीतील देसाई आणि मुंबईत स्थाईक असलेले देसाई सुद्धा आवर्जून या कार्यक्रमास उपस्थित होते.

प्रतिनिधी, कोकण नाऊ, कुडाळ