महाराष्ट्र राज्याच्या लोककला अनुदान शिफारस समिती सदस्यपदी श्री तुषार नाईक मोचेमाडकर यांची निवड झाल्याबद्दल भाजपा च्या वतीने सत्कार

वेंगुर्ला : राज्यातील लोककलावंतांच्या कलापथकांना भांडवली खर्चासाठी / प्रयोग अनुदान मंजूर करण्यासाठी महाराष्ट्र राज्य शासनाकडून शासन निर्णयाद्वारे समिती पुनर्गठित करण्यात आली आहे.यात सिंधुदुर्ग जिल्हा दशावतार चालक मालक संघटनेचे जिल्हाध्यक्ष तथा नाईक मोचेमाडकर पारंपारिक दशावतार लोकनाट्य मंडळ मोचेमाड चे संचालक श्री तुषार सोनू नाईक यांची निवड या समितीच्या सदस्यपदी करण्यात आली याबद्दल भाजपा वेंगुर्ले च्या वतीने जिल्हा सरचिटणीस प्रसऺन्ना देसाई यांच्या हस्ते सत्कार करण्यात आला .
महाराष्ट्रातील सर्व लोककला टिकून राहाव्यात व लोककलांची माहिती पुढील पिढीला व्हावी आणि महाराष्ट्र राज्यातील सर्व पारंपारिक लोककलांचे जतन करण्यासाठी या लोककलांना उत्तेजन द्यावे या हेतूने त्यांच्या कलापथकांना भांडवली खर्चासाठी / प्रयोगासाठी अनुदान देण्याच्या योजनेस शासन निर्णयाद्वारे मंजुरी देण्यात आली होती तसेच शासन निर्णयान्वये कलापथकांना भांडवली खर्चासाठी / प्रयोग अनुदान मंजूर करण्यासाठी या कलापथकांच्या अर्जाची छाननी करणे व त्यांची नियमानुसार पात्रता तपासून निवड करण्यासाठी निवड समिती गठीत करण्याची तरतुद होती त्याअनुषंगाने राज्यातील लोककलावंतांच्या कलापथकांना भांडवली खर्चासाठी / प्रयोग अनुदान मंजूर करण्यासाठी समिती पुनर्गठित करण्यात आली आहे .
सांस्कृतिक कार्य संचालनालयाचे संचालक हे या समितीच्या अध्यक्षपदी असून सदस्यपदी दशावतार कला प्रकार साठी श्री तुषार नाईक मोचेमाडकर व श्री देवेंद्र नाईक यांची निवड करण्यात आली आहे .
वेंगुर्ले तालुक्यातील मोचेमाड येथील निवासस्थानी तुषार नाईक यांचा भाजपा च्या वतीने सत्कार करण्यात आला . यावेळी तालुकाध्यक्ष सुहास गवऺडळकर , मच्छीमार सेलचे दादा केळुसकर , सरपंच संघटनेचे विष्णु उर्फ पपु परब , बाबल नाईक , मोचेमाड माजी सरपंच रसिका गावडे , मोचेमाड बुथ प्रमुख उदय गावडे , ग्रामपंचायत सदस्य नारायण गावडे तसेच ग्रामस्थ उपस्थित होते .

सदर समिती शासन निर्णय दिनांकापासून पुढिल 3 वर्ष कालावधी साठी किंवा समितीची पुनर्रचना होणे यापैकी जे अगोदर घडेल तो पर्यंत कार्यरत राहणार आहे असा शासन निर्णय निर्गमित करण्यात आला आहे.

प्रतिनिधी / कोकण नाऊ / वेंगुर्ला