कोल्हापूर विभागीय शालेय शुटिंग बॉल स्पर्धेचा त्रिंबक मध्ये थरार

क्रीडा व युवक सेवा संचालनालय पुणे, जिल्हा क्रीडा अधिकारी सिंधुदुर्ग व माध्यमिक शिक्षण समिती संचलित जनता विद्या मंदिर त्रिंबक आयोजित कोल्हापूर विभागीय शालेय शुटिंग बॉल स्पर्धा जनता विद्या मंदिर त्रिंबक प्रशालेच्या भव्य मैदानावर पार पडल्या. सदर स्पर्धेत सातारा जिल्हा, सांगली जिल्हा, कोल्हापूर जिल्हा, रत्नागिरी जिल्हा, सिंधुदुर्ग जिल्हा, इचलकरंजी महानगरपालिका, कोल्हापूर महानगरपालिका व सांगली महानगरपालिका अशा एकूण 17 संघानी भाग घेतला होता.
स्पर्धा 19 वर्षे मुले, मुली, 17 वर्ष मुले , मुली अशा चार गटात घेण्यात आल्या. ,19 वर्षे मुले, मुलींच्या गटात जिल्ह्याचे प्रतिनिधित्व कुडाळ संघानी केले तर 17 वर्ष मुले मुलींच्या गटात जिल्ह्याचे प्रतिनिधित्व जनता विद्यामंदिर त्रिंबक संघानी केले होते.
स्पर्धा नियंत्रक म्हणून श्री. अजय शिंदे सर मालवण यांनी काम पाहिले सदर स्पर्धेला श्री .दाभोलकर सर इंटरनॅशनल पंच, श्री .शशी गवंडे राष्ट्रीय पंच, श्री .बबन गवस, राष्ट्रीय पंच , श्री. एकनाथ केसरकर, राज्य पंच, श्री .सुरेंद्र सकपाळ, राज्य पंच, तर श्री. महेश परुळेकर ,श्री.राजू भावे, श्री .सिताराम सकपाळ , श्री.जयवंत बागवे ,सर्व जिल्हापंच इत्यादी तज्ञ पंचानी काम केल्याने स्पर्धा निकोप वातावरणात पार पडल्या. स्पर्धेचे उद्घाटन श्री. संजय कदम अध्यक्ष, जिल्हा डायरेक्ट शुटिंग बॉल असोसिएशन यांचे हस्ते करण्यात आले. प्रशालेच्या भव्य मैदानावर उत्तम प्रकारची तीन मैदानं व स्पर्धेचं देखणं नियोजन यामुळे ही स्पर्धा न भुत्तो न भविष्यते अशी झाली.
स्पर्धेचा गटानुसार निकाल
19 वर्ष मुले
प्रथम क्रमांक- सांगली जिल्हा,
द्वितीय क्रमांक- कोल्हापूर जिल्हा, तृतीय क्रमांक- सातारा जिल्हा..
19 वर्षे मुली
प्रथम क्रमांक –सांगली मनपा,
द्वितीय क्रमांक –सिंधुदुर्ग ,कुडाळ, तृतीय क्रमांक –कोल्हापूर जिल्हा,
17 वर्ष मुले
प्रथम क्रमांक –सांगली जिल्हा,
द्वितीय क्रमांक -सिंधुदुर्ग जिल्हा,त्रिंबक तृतीय क्रमांक — कोल्हापूर जिल्हा,
17 वर्ष मुली
प्रथम क्रमांक –सांगली मनपा,
द्वितीय क्रमांक -कोल्हापूर जिल्हा, तृतीय क्रमांक –सांगली जिल्हा.
या सर्व संघांना श्री संजय कदम, अध्यक्ष यांनी दिलेल्या आकर्षक चषकानी गौरविण्यात आले तसेच रितेश शिके यास मुलामधुन तर मुलींमधुन प्राजक्ता आवळे यांना सामनावीर म्हणून निवडण्यात येऊन श्री. योगेश गावडे याने दिलेली आकर्षक चषके देण्यात आली. तसेच सर्व पराभुत संघाना सुद्धा सन्मान चिन्ह देऊन गौरवण्यात आले.
सदर स्पर्धेला जिल्हा क्रीडा अधिकारी मा. विद्या शिरस मॅडम यांनी भेट देऊन शुभेच्छा दिल्या तर तालुका क्रीडा अधिकारी विजय शिंदे हे आपल्या सहकाऱ्यांसह स्पर्धा संपेपर्यंत उपस्थित होते. सदर स्पर्धेला राष्ट्रीय खेळाडू श्री. योगेश गावडे, श्री. राजा देसाई, श्री. संजय कदम, श्री . प्रमोद मोहिते, श्री . दिनेश पवार, श्री .बाबा सावंत अशा जिल्ह्यातील अनेक नामवंत खेळाडूंनी तसेच गावातील सरपंच, उपसरपंच, संस्था पदाधिकारी तसेच जिल्ह्यातील अनेक शिक्षक यांनी भेट देऊन शुभेच्छा दिल्या आणि नियोजनाचे कौतुक केले . सर्व खेळाडूंना श्री .अमित पवार यांचे मार्फत अल्पोपहार देण्यात आला होता, सदर स्पर्धा अनेक देणगीदार यांनी सढळ हस्ते दिलेल्या देणग्या मधुन यशस्वी करण्यात आली.
स्पर्धा नियोजनाकरिता श्री सुरेंद्र सकपाळ सकपाळ ,अध्यक्ष- माध्यमिक शिक्षण समिती, त्रिंबक, व श्री. महेंद्र वारंग, क्रीडा शिक्षक जनता विद्या मंदिर त्रिंबक यांनी विशेष परिक्ष्रम घेतले, त्यांना श्री.अरुण घाडी, कार्यवाह– माध्यमिक शिक्षण समिती, त्रिंबक, श्री प्रवीण घाडीगावकर, मुख्याध्यापक, जनता विद्या मंदिर त्रिंबक, श्री.अभिजीत धुरे, शिक्षक ,श्री. प्रशांत गोसावी, शिक्षक , श्री. एकनाथ गायकवाड, शिक्षक,श्री. विजय मेस्त्री,शिक्षक,सौ. घाडीगावकर मॅडम व श्रीम. तावडे मॅडम यांनी व प्रशालेच्या मुलांनी बहुमोल सहकार्य केले.
सर्व कार्यक्रमांचे सूत्रसंचलन श्री. महेंद्र वारंग सर यांनी केले तर आभार श्री. प्रशांत गोसावी सर यांनी मानले.

आचरा–अर्जुन बापर्डेकर