श्री देव आदिनाथ मंदिर चा ३१वा वर्धापनदिन उद्या

खारेपाटण : कणकवली तालुक्यातील वायंगणी या गावचे आराध्य दैवत श्री देव आदिनाथ मंदिर यांचा ३१वा वर्धापनदिन उद्या दि.११फेब्रुवारी 2023 रोजी आयोजित करण्यात आला.यानिमित्ताने श्री देव गांगेश्वर मंदिर येथे सत्यनारायण ची महापूजा ,आदिनाथ मंदिरात अभिषेक ,आदिनाथ मंदिर येथे सत्यनारायण महापूजा तसेच या वर्धापनदिन निमित्त श्री निनूदेवी चिंचवली तसेच श्री गांगेश्वर गुंजवणे। यांच्या पालखी चे आगमन देखील यावेळी होणार आहे. या दिवशी नवस फेडणे,ओटी भरणे,नवस बोलणे आदी धार्मिक कार्यक्रम असून दुपारी १२ते ३या वेळेत महाप्रसाद असणार आहे. आलेल्या पालख्याची व श्री देव आदिनाथ यांच्या पालखीची मिरवणूक व पालखी प्रदक्षिणा कार्यक्रम पार पडणार असून या वर्धापनदिन दिवशी रात्री बुवा श्री प्रमोद हर्याण व बुवा श्री लक्ष्मण गुरव यांच्या डबलबारी भजनाचा जंगी सामना कार्यक्रम ठेवण्यात आला आहे.तरी या श्री देव आदिनाथ मंदिर च्या वर्धापनदिन कार्यक्रमाला भाविकांनी उपस्थित राहावे असे आवाहन मंडळाच्या वतीने करण्यात आले आहे.

अस्मिता गिडाळे / कोकण नाऊ / खारेपाटण