दिगवळे येथे हळदीची सामूहिक शेती करणार

विद्यार्थ्यांना मोफत शैक्षणिक साहित्याचे देखील वाटप

दिगवळे रांजणवाडी येथे सेलम जातीची हळद 20 जणांचा गट करून सामूहिक शेती करण्याचा निर्धार श्री येरम व ब्रिगेडयर श्री.सुधीर सावंत यांच्या मार्गदर्शनाखाली करण्यात आला. त्यावेळी अहिल्याबाई होळकर पुरस्कार मिळालेल्या सौ.केरे यांचा सत्कार श्री. ब्रिगेडीयर सुधीर सावंत यांच्या हस्ते करण्यात आला. नंतर शाळेतील होतकरू मुलांना दफ्तर वाटप करण्यात आले.
सिंधुरत्न योजनेतून घेण्यात येणऱ्या लँड आर्मी प्रमुख श्री.गौरव गावडे यांची निवड करण्यात आली. हे सर्व सिंधुदुर्ग जिल्ह्यात प्रथमच करण्यात आले.यात ब्रिगेडयर सुधीर सावंत यांनी सामूहिक शेती व समृद्ध गाव या संकल्पनेतून यशस्वी शुभारंभ केला आहे. यावेळी उपजिल्हाप्रमुख महिंद्र सावंत, माजी उपसरपंच नाना गावडे,श्री.काजरेकर, आदी दिगवळे गावातील लोक उपस्थित होते.

कणकवली प्रतिनिधी