उद्धव बाळासाहेब ठाकरे शिवसेनेकडून महामानव डॉ. बाबासाहेब आंबेडकर यांना अभिवादन

कुडाळ ; भारतीय राज्यघटनेचे शिल्पकार, सामाजिक क्रांतीचे नेतृत्व करणारे प्रमुख योद्धे, अर्थशास्त्रज्ञ, कायदेपंडित अशा बहुआयामी ओळख असणारे डॉ. भीमराव रामजी आंबेडकर अर्थात बाबासाहेब आंबेडकर यांचा आज जन्मदिन. आज भारतरत्न डॉ. बाबासाहेब आंबेडकर यांच्या जयंतीनिमित्ताने देशभरात विविध कार्यक्रमांचे आयोजन करण्यात आले आहे. काल रात्रीपासूनच देशभरात जयंती उत्सव मोठ्या उत्साहात साजरा केला जात आहे.
उद्धव बाळासाहेब ठाकरे शिवसेना गटाकडूनही आज कुडाळ शाखेत तसेच कुडाळ शहरातील डॉ. बाबासाहेब आंबेडकर चौकातील बाबासाहेबांच्या पुतळ्याला पुष्पहार घालून अभिवादन करण्यात आले. यावेळी शिवसेना जिल्हाप्रमुख संजय पडते, तालुकाप्रमुख राजन नाईक, शहरप्रमुख संतोष शिरसाट, बबन बोभाटे, रुपेश पावसकर, गंगाराम सडवेलकर, संदीप महाडेश्वर, गोट्या चव्हाण, अमित राणे, उदय मांजरेकर, बंड्या कोरगावकर, राजू गवंडे, बाबी गुरव, भूषण कुडाळकर, शुभम सिंदगीकर, बाळा पावसकर आणि शिवसैनिक उपस्थित होते.

प्रतिनिधी, कुडाळ