ग्रामस्थांचा उद्रेक होण्याची वाट बघू नका समस्यांचे तातडीने निवारण करा – सरपंच जेराॅन फर्नांडिस

अधिका-यांच्या आढावा बैठकीत दिला वीज मंडळाला इशारा

आचरे गावात वीज समस्या वाढली आहे. गावातील कोणत्याना कोणत्या वाडीत रोज काही ना काही वीज समस्या निर्माण होत आहे. लाईनवरची झाडी सफाईसाठी आणलेली गाडी नावाला काम करुन गेली वाडीवाडीवरील लाईनवरची झाडी तशीच आहे. गणेशोत्सव जवळ आला आहे पुर्वी नव्हता एवढी वीजेची समस्या वाढली आहे. लोकांचा उद्रेक होण्याची वाट बघू नका समस्यांचे तातडीने निवारण करा असा इशारा आचरा सरपंच जेराॅन फर्नांडिस यांनी आचरा पोलीस स्टेशन येथे आयोजित नियोजन बैठकीत दिला.
आचरा पोलीस स्टेशनचे पोलीस निरीक्षक प्रदीप पोवार यांनी गणेशोत्सवाच्या पार्श्वभूमीवर वीज मंडळ, आरोग्य विभाग, एसटी महामंडळ बांधकाम विभाग, बंदर विभाग आदी विभागांच्या अधिकाऱ्यांची संयुक्त बैठक आचरा पोलीस स्टेशन येथे आयोजित करण्यात आली होती. यावेळी सध्या सुरू असलेला वीज समस्ये बाबत सरपंच जेराॅन फर्नांडिस यांनी रोष व्यक्त केला. यावेळीबैठकीनंतर आलेल्या बांधकाम विभागाच्या अधिकाऱ्यांनाही रस्त्यावर पडलेल्या खड्ड्यांबाबत खडे बोल सुनावले. या बैठकीत प्राथमिक आरोग्य केंद्र आचरा येथे वेळेवर मिळत नसलेल्या जन्म दाखल्याबाबत, अपु-या औषध साठ्याबाबत उपस्थित आरोग्य विभागाच्या भगत यांना प्रश्न विचारत धारेवर धरले. यावेळी भगत यांनी पोर्टलचा प्राब्लेम असल्याचे सांगितल्यावर उपसरपंच संतोष मिराशी, जयप्रकाश परुळेकर, व्यापारी संघटना अध्यक्ष अर्जुन बापर्डेकर यांनी कायम पोर्टल प्राब्लेम कसा येतो असा प्रश्न विचारत आरोग्य कर्मचा-यांना लोकांना चांगली सेवा देण्यास सांगितले. यावेळी सरपंच फर्नांडिस यांनी औषधसाठा अपुरा होता तर ग्रामपंचायतला कल्पना का दिली नाही. आवश्यक तो मागवून घ्या चतुर्थी कालावधीत औषधे कमी पडू देवू नका आवश्यकता असल्यास आम्हाला सांगा ग्रामपंचायत तर्फे औषधे उपलब्ध करून देवू असे सांगत आरोग्य सुविधेबाबत दक्ष राहण्याची सुचना सरपंच फर्नांडिस यांनी आरोग्य विभाग कर्मचारी भगत यांना केली.याबैठकीत पोलीस निरीक्षक पोवार यांनी आठवडा बाजारा दिवशी एक दिशा वाहतूक सुरू ठेवण्याबाबत या मिटिंगमध्ये विषय उपस्थित केला. यावर चर्चा करून व्यापारी आणि लोकांच्या सेवेसाठी बाजारातून बंदर बाजूने आचरा तिठ्याकडील दिशेने रिक्षा वाहतूक सुरू ठेवण्याचा निर्णय घेण्यात आला. चतुर्थी कालावधीतील आठवडा बाजारासाठी
विक्रेत्यांची वाढती संख्या लक्षात घेऊन महाराष्ट्रा बॅंके पुढेही विक्रेत्यांना विक्री साठी बसण्यासाठी मुभा देण्याचा निर्णय या बैठकीत घेण्यात आला. आचरा पोलीस स्टेशनचे पोलीस निरीक्षक प्रदीप पोवार यांच्या मार्गदर्शनाखाली झालेल्या या बैठकीला आचरा सरपंच जेराॅन फर्नांडिस, उपसरपंच संतोष मिराशी, व्यापारी संघटना अध्यक्ष अर्जुन बापर्डेकर, जयप्रकाश परुळेकर, बंदर विभागाचे अरविंद परदेशी महावितरणचे सौरभ कुमार वर्मा ओम विश्वनाथ शिंदे, प्राथमिक आरोग्य केंद्र आचराचे नित्यानंद भगत, हिवाळी प्राथमिक आरोग्य केंद्राचे राजाराम परब, आचरा वाहतूक नियंत्रक गजानन इंगळे, ट्रॅव्हलर्सचे उमेश बाणे, किरण साटम, विनायक सावंत, मंदार नाटेकर, सुफियान काझी, रिक्षा संघटनेचे हर्षद जाधव, सचिन परब, कमलेश पाटकर, सतीश तळवडकर यांसह पोलीस कर्मचारी जाधव, मनोज पुजारे आदीसह अन्य मान्यवर उपस्थित होते.