त्रिंबक येथे श्रीराम नवरात्रौत्सवात किरण बुवा तुळपुळे यांचे कीर्तने संपन्न

रामेश्वर मंदिर त्रिंबक येथे रामजन्मोत्सव सोहळा मोठया उत्साहात संपन्न झाला. श्रीरामनवरात्रौत्सवा निमित्त सुप्रसिद्ध राष्ट्रीय कीर्तनकार ह भ प किरणबुवा तुळपुळे – डिचोली गोवा यांच्या किर्तनाने रसिकजनांना मंत्रमुग्ध केले.तुळपुळे बुवांची कर्नाटक गोवा महाराष्ट्र बडोदा कानपूर मुंबई अशा अनेक ठिकाणी कीर्तने झाली आहेत , दूरदर्शनवर अनेक वेळा त्यांच्या कीर्तनांचे प्रसारण झाले आहे,
उत्कृष्ट गायन , अभिनय युक्त निरूपण , स्पष्टवक्तेपणा, वैशिष्ट्ये आहेत, राष्ट्रभक्ती वरील कीर्तने राष्ट्रभक्ती जागृत करणारी असतात, कीर्तनात कोणताही विरश्रीचा तसेच , करूण रसाचे प्रसंग मनाचा ठाव घेणारे असतात,
ते उत्कृष्ट दशावतारी नाट्यकलाकारही आहेत , नारद या भूमिकेसाठी त्यांना प्रथम पारितोषिके मिळाली आहेत , राजा ,इंद्र, नारद , अर्जुन विरभद्र, अशा अनेक भूमिका त्यांनी साकारलेल्या आहे , त्यांना अनेक पुरस्कारही प्राप्त झालेले आहेत, मागीलवर्षीप्रमाणे यावर्षीही त्रिंबक च्या श्रोत्यांना त्यांच्या बहारदार कीर्तनाचा लाभ मिळाला, त्यांना संवादिनीवर – श्री गजानन गद्रे ( नारिंग्रे) व तबल्यावर तुषार सुतार ( पुरळ) यांची उत्कृष्ट साथ लाभली.