कणकवलीतील ॲड. मिलिंद सावंत यांची नोटरी पदी नियुक्ती

सिंधुदुर्ग जिल्ह्यातील भिरवंडे, ता. कणकवली येथील प्रतिथयश वकील मिलिंद सावंत यांची भारत सरकारच्या नोटरी पदी नियुक्ती करण्यात आली आहे. ॲड. मिलिंद सावंत हे कणकवली शहरात मागील १८ वर्षांहून अधिक काळ वकील म्हणून कार्यरत आहेत. सिंधुदुर्ग जिल्ह्यात अनेक तालुका न्यायालय व जिल्हा न्यायालयामध्ये देखील त्यांनी आपला वकिली व्यवसाय केला आहे. आपल्या अशिलांना न्याय मिळवून देणारे सर्वसामान्य जनतेचे वकील म्हणून मिलिंद सावंत यांची विशेष ओळख आहे. नोटरी पदी नियुक्ती झाल्याबद्दल ॲड. सावंत यांचे अभिनंदन केले जात आहे.