विविध मागण्यासाठी शासकीय कर्मचाऱ्यांचे गुरुवारी 6 मार्च रोजी धरणे सत्याग्रह आंदोलन

जिल्ह्यातील सर्व शासकीय कर्मचाऱ्यांना उपस्थित राहण्याचे आवाहन

निवासी उपजिल्हाधिकारी मच्छिंद्र सुकटे यांना दिले निवेदन

गुरुवार 06 मार्च 2025 रोजी राज्‍य सरकारी कर्मचारी यांचे
जिल्‍हाधिकारी कार्यालयासमोर धरणे सत्‍याग्रह आंदोलन
राज्‍य सरकारी, निमसरकारी, जिल्‍हा परिषद कर्मचारी शिक्षक शिक्षकेतर नगरपालिका / नगरपरिषद कर्मचारी समन्‍वय समिती जिल्‍हा शाखा सिंधुदुर्ग,सर्व अधिकारी व कर्मचारी यांच्‍या जिव्‍हाळयाच्‍या मागणीसाठी सिंधुदुर्ग जिल्‍हामधील सर्व कर्मचारी गुरुवार दिनांक 06 मार्च 2025 रोजी सकाळी 10.00 वाजलेपासुन जिल्‍हाधिकारी कार्यालय सिंधुदुर्ग सिंधुदुर्गनगरी ओरोस ता.कुडाळ येथे 2 तास “ धरणे सत्‍याग्रह ” करणार आहेत. याबाबतचे निवेदन आज निवासी जिल्हाधिकारी मच्छिंद्र सुकटे यांना देण्यात आले. यामध्‍ये जिल्‍हयामधील सर्व राज्‍य सरकारी, निमसरकारी, शिक्षक शिक्षकेत्‍तर कर्मचारी, आरोग्‍य कर्मचारी, महसुल , तलाठी, ग्रामसेवक, कृषी, जि.प.कर्मचारी, भुमि अभिलेख यासह सर्व विभागामधील कर्मचारी सहभागी होणार आहेत. कर्मचारी यांनी सकाळी 10.00 वाजता जिल्‍हाधिकारी कार्यालय सिंधुदुर्ग समोर ” धरणे सत्‍याग्रह आंदोलना”साठी उपस्थित रहावे. असे आवाहन महसुल कर्मचारी संघटना अध्‍यक्ष व समन्‍वय समिती सरचिटणीस श्री.सत्‍यवान माळवे यांनी केलेले आहे.
कर्मचाऱ्यांच्या मागण्या पुढील प्रमाणे,
आठव्‍या वेतन आयोगाची स्‍थापना करणेसाठी केंद्र शासनाकडे आग्रह धरणे,सुधारित राष्‍ट्रीय निवृत्‍तीवेतन योजनेची अंमलबजावणी करण्‍याबाबतचे विस्‍तृत परिपत्रक तात्‍काळ जारी करणे. PFRDA कायदा रद्द करुन फंड मॅनेजरकडे संचित झालेली रक्‍कम संबंधीत राज्‍य सरकारला परत करणे, तसेच ईपीएस 95 नुसार सर्व वर्गणीदारांना परिभाषित पेन्‍शन योजना लागु करणे. नवीन राष्‍ट्रीय शिक्षण धोरण रद्द करने, नवीन 3 क्रिमीनल कायदे रद्द करणेसरकारी कर्मचारी कर्तव्‍य बजावत असताना होणारे भ्‍याड व हिंसक हल्‍ल्‍याविरुध्‍द कडक कारवाई व्‍हावी यासाठी पुर्वीचा IPC कलम 353 मध्‍ये दुरुस्‍ती करुन कलम 353 अजामीनपात्र करणे. कंत्राटी, रोजंदारी, अंशकालीन कर्मचा-यांच्‍या सेवा नियमीतकरा यासह इतरही मागण्‍यासांठी सर्व कर्मचारी शिक्षकांनी हजारोंच्‍या संख्‍येने या 2 तास “धरणे सत्‍याग्रह” आंदोलनात सहभागी होवुन आपला रास्‍त असंतोष व्‍यक्‍त करावा. यासाठी कर्मचारी यांचे वतीने निवेदन निवासी उपजिल्‍हाधिकारी श्री.मच्छिंद्र सुकटे यांना देण्‍यात आले यावेळी श्री.सत्‍यवान माळवे, महसुल कर्मचारी संघटना अध्‍यक्ष व समन्‍वय समिती सरचिटणीस, राजन कोरगावकर अध्‍यक्ष, रा.स.कर्मचारी समन्‍वय समिती अध्‍यक्ष, सखाराम सपकाळ, कोकण विभाग सहसचिव, सचिन माने सहसचिव,शाम लाखे कोषाध्‍यक्ष, आदी संघटनांचे पदाधिकारी उपस्थित होते.

कणकवली प्रतिनिधी