कणकवली शहरातील फ्लायओव्हर पुला वरून पडून तरुण गंभीर

पुलावरून पडलेल्या तरुणाला गंभीर दुखापत

कणकवली : कणकवली शहरातील गांगो मंदिर येथील फ्लाय ओव्हर पुला वरून एक तरुण पुलाच्या कठड्यावरून खाली कोसळत गंभीर जखमी झाला. मात्र एवढ्या उंचावरून हा तरुण खाली कसा कोसळला? की हा आत्महत्येचा प्रयत्न होता? की कसे याबाबत अद्याप स्पष्टता झाली नाही. मात्र तरुणाला गंभीर दुखापत झाली आहे. दरम्यान याबाबत माहिती मिळतात काँग्रेसचे तालुका अध्यक्ष प्रदीप मांजरेकर यांच्यासह स्थानिकांनी घटनास्थळी धाव घेतली. त्यांनी दिलेल्या माहितीनुसार सदर तरुणाचे नाव अर्जुन तनसाळी (मूळ राहणार राजस्थान) असे असल्याचे सांगण्यात आले. सदर तरुण हा गांगो मंदिर नजीक गॉगल विक्रीचा व्यवसाय करत असल्याची माहिती समोर आली आहे. दरम्यान हा तरुण पुलाच्या वरील भागातून खाली पडल्याने त्याला गंभीर दुखापत झाली आहे. घटनेनंतर त्याला अधिक उपचारासाठी रुग्णालयात दाखल करण्यात आले.

दिगंबर वालावलकर /कणकवली