ज्ञानदा शिक्षण संस्था संचलित आयडीयल इंग्लिश स्कूल वरवडे विद्यार्थ्यांची शालेय क्रीडा स्पर्धांमध्ये चमक.

कणकवली/मयूर ठाकूर

नुकत्याच संपन्न झालेल्या शालेय क्रीडा स्पर्धांमध्ये ज्ञानदा शिक्षण संस्थेच्या आयडीयल इंग्लिश स्कूल आणि ज्युनियर कॉलेज ऑफ कॉमर्स आणि सायन्स वरवडे च्या विद्यार्थ्यांनी नेत्रदीपक यश मिळवले आहे.
यामध्ये फूटबॉल स्पर्धेत 17 वर्षाखालील विद्यार्थी विजेते ठरले त्यांची निवड जिल्हास्तरीय स्पर्धेसाठी झाली तर 14 वर्षाखालील विद्यार्थी तालुका स्तरावर उपविजेते ठरले
तलवार बाजी या प्रकारात जिल्हास्तरीय 19 वर्षाखालील विद्यार्थिनींच्या गटात ऋतुजा राजेश शिरवलकर हिने इपी या प्रकारात प्रथम विजेतेपद तर सेबर या प्रकारातही प्रथम क्रमांक पटकावला तिची निवड विभाग स्तरीय स्पर्धेसाठी झाली आहे.
या विद्यार्थ्यांना क्रीडा शिक्षक श्री.योगेश सामंत सर,श्री.वासुदेव दळवी सर,श्री.राहुल मोरे सर यांचे मार्गदर्शन लाभले
या यशाबद्दल ज्ञानदा शिक्षण संस्थेचे अध्यक्ष डॉ.विद्याधर तायशेटे,उपाध्यक्ष मोहन सावंत,कार्याध्यक्ष बुलंद पटेल,संस्थापक सचिव प्रा. हरीभाऊ भिसे,सहसचिव प्रा.निलेश महिंद्रकर,खजिनदार शीतल सावंत,सल्लागार डी. पी.तानावडे,मुख्याध्यापिका अर्चना देसाई तसेच सर्व शिक्षक वृंद शिक्षकेतर कर्मचारी व पालक यांनी अभिनंदन केले व शुभेच्छा दिल्या आहेत.