राष्ट्रवादीकडून नारायण राणे यांच्याकडे ‘महायुती’ साठीचा प्रस्ताव आज देणार
जिल्हाध्यक्ष अबिद नाईक यांच्या अध्यक्षतेखाली झाला जिल्हा कार्यकारिणीच्या बैठकीत ठराव
जि. प. पं. स. निवडणूकीच्या अनुषंगाने तालुका प्रभारींची नियुक्ती
पक्ष विरोधी काम करणाऱ्यांची गय करणार नाही
जिल्हा परिषद, पंचायत समितीच्या निवडणूकीत महायुतीच्या अनुषंगाने माजी मुख्यमंत्री तथा खा. नारायण राणे व पालकमंत्री नितेश राणे यांच्याकडे युतीसंदर्भातील प्रस्ताव रविवारी सादर करण्याचा निर्णय राष्ट्रवादीच्या जिल्हा कार्यकारिणीच्या बैठकीत घेण्यात आला. यावेळी जिल्हा परिषद निवडणूकीच्या अनुषंगाने प्रत्येक तालुक्यासाठी निवडणूक प्रभारींची नियुक्तीही करण्यात आली.
राष्ट्रवादीच्या जिल्हा कार्यकारिणीची बैठक येथील मातोश्री मंगल कार्यालयात जिल्हाध्यक्ष अबिद नाईक यांच्या अध्यक्षतेखाली झाली, यावेळी जिल्हा सरचिटणीस सावळाराम अणावकर, प्रदेश चिटणीस एम. के. गावडे, महिला जिल्हाध्यक्षा प्रता परब, सावंतवाडी विधानसभा अध्यक्ष उमाकांत वारंग, जिल्हा उपाध्यक्ष संदीप राणे, ओबीसी जिल्हाध्यक्ष सर्वेश पावसकर, व्हीजेएनटी जिल्हाध्यक्ष अशोक पहार, उच्चोग व्यापारसेल जिल्हाध्यक्ष आशिष कदम, अल्पसंख्यांक जिल्हाध्यक्ष अस्लम खतीब, युवक जिल्हाध्यक्ष निशीकांत कडुलकर, तालुकाध्यक्ष आर. के. सावंत, नाथा मातंडकर, वैभव रावराणे, राजू पावसकर, मेधेद्र देसाई, रशिद खान, संदीप पेडणेकर, जिल्हा सचिव विलास पावसकर, सुशिल चमणकर, सतीश पाताडे, प्रांतिक सदस्य विलास गांवकर, बाळा कोयंडे, प्रसाद कुलकर्णी, दिपक देसाई, शहराध्यक्ष इम्रान शेख, उपाध्यक्ष गणेश चौगुले, जिल्हा प्रतिनिधी अनिस नाईक, केदार खोत, सत्यवान उर्फ बाबू परब, राजेश पाताडे महेश चव्हाण व इतर उपस्थित होते.
यावेळी मार्गदर्शन करताना अबिद नाईक म्हणाले, येणाऱ्या जि. प. पं. स. निवडणूकीत पक्षाच्या प्रत्येक पदाधिकाऱ्याने आपापल्या भागामध्ये निवडणूकीसाठी कार्यकर्त्यांना घेऊन निवडणूकीसाठीचे काम सुरू करा, त्याचबरोबर निवडणूक प्रभारी यांनी प्रत्येक तालुक्यात जाऊन ज्या जि. प. पं. स. मतदारसंघात राष्ट्रवादीचे उमेदवार निवडणूक लढविणार आहेत, तेथे बैठका घेत नियोजन करण्याच्या सूचनाही त्यांनी दिल्या, त्याचबरोबर रविवारी माजी मुख्यमंत्री तथा खा. नारायण राणे व पालकमंत्री नितेश राणे यांना युतीबाबतचा प्रस्ताव देण्यात येणार आहे. त्यांच्यासोबत चर्चा करून राष्ट्रवादी काँग्रेसच्या जागांची निश्चितीही करण्यात येणार असल्याचे श्री. नाईक म्हणाले.
जिल्लभात भाजपा व शिंदे शिवसेनेच्या युतीची घोषणा आलेली असून पालकमंत्री नितेश राणे यांच्यासोबत माझे बोलणे झाले आहे. त्यांनी युतीबाबत जागांसंदर्भातील प्रस्ताव देण्याबाबत सांगितले असून आम्ही जिल्हा कार्यकारिणीची बैठक आयोजित केलेली असून या बैठकीनंतर प्रस्ताव देतो, असे आपण स्पष्ट केलें आहे. त्यानुसार आपण उच्चा प्रस्ताव देऊ, असेही श्री. नाईक म्हणाले,
एम. के. गावडे म्हणाले, प्रत्येक तालुक्यात तालुकाध्यक्षांनी रविवार आपापला अहवाल जिल्हाध्यक्षांकडे द्यावा, जेणेकरून महायुती करण्यासंदर्भात चर्चा करत पुढील निर्णय घेणे सोपे होईल, तसेच तालुकाध्यक्षांनी अहवाल देताना आपती ताकद ज्या भागात आहे, तेथे उमेदवारी मिळावी याच अनुषंगाने प्रस्ताव द्यावा, अशा सूचनाही केल्या.
सावळाराम अणावकर म्हणाले, पक्ष संघटना वाढविताना सर्वांना सोबत घेऊन काम करा. तसेच पक्षात राहून पक्षविरोधी काम करणाऱ्या पदाधिकाऱ्यांची गय केली जाणार नाही, असा इशाराही त्यांनी दिला.
यावेळी तालुकानिहाय निवडणूक प्रभारींची नियुक्ती करण्यात आली. यात सावंतवाडी, दोडामार्गसाठी उमाकांत वारंग व संदीप राणे, कणकवली, देवगड, वैभववाडी व मालवणसाठी सावळाराम अणावकर, कुडाळ व वेंगुर्लेसाठी एम. के. गावडे यांची नियुक्ती करण्यात आली.
