नेरूर येथील तिरंगी भजन सामन्याला रसिकांचा उदंड प्रतिसाद

रविवारी झालेल्या श्री देव नागदा मारुती सेवा उत्सव मंडळ तसेच रणझुंजार मित्र मंडळ व उद्योजक रुपेश पावस्कर पुरस्कृत आमने-सामने तिरंगी भजनांचा सामन्याला भजनप्रेमी रसिकांचा उदंड प्रतिसाद मिळाला.
श्री देव नागदा मारुती सेवा उत्सव मंडळ तसेच रणझुंजार मित्र मंडळ व उद्योजक श्री रुपेश पावस्कर पुरस्कृत आमने-सामने तिरंगी भजनांचा जंगी सामना रविवार दिनांक 23 नोव्हेंबर 2025 रोजी मोठ्या उत्साहात संपन्न झाला. या तिरंगी भजनाच्या जंगी सामन्यासाठी बुवा विनोद चव्हाण श्री लिंगेश्वर प्रासादिक भजन मंडळ भरणी तालुका कुडाळ कै. चिंतामणी पांचाळ यांचे पट्ट शिष्य विरुद्ध बुवा विजय उर्फ गुंडू सावंत श्री हनुमान प्रासादिक भजन मंडळ वर्दे बुवा अशोक सावंत यांचे पट्ट शिष्य विरुद्ध बुवा संदीप लोके, वडची देवी प्रासादिक भजन मंडळ लिंगडाळ गुरुवर्य बुवा विजय परब यांचे पट्ट शिष्य या तीन बुवांमध्ये जंगी तिरंगी भजनांचा सामना अतिशय रंगतदार पणे रंगला.
या कार्यक्रमाची सुरूवात श्री देव नागदा मारुतीला श्रीफळ ठेवून तसेच गाऱ्हाणे करून करण्यात आले. तद्नंतर या कार्यक्रमात प्रमुख मान्यवरांचा सत्कार करण्यात आला. यामध्ये प्रकाश करलकर, सुरेश करलकर, संजय करलकर, राजा सामंत, राजेश महाडेश्वर, ज्येष्ठ मार्गदर्शक अशोक पावसकर, बाळा धुरी, देविदास नाईक, त्याचप्रमाणे तिरंगी भजनासाठी लाभलेले बुवा विनोद चव्हाण, विजय उर्फ गुंडू सावंत, संदीप लोके या तीन बुवांचा शाल श्रीफळ पुष्पगुच्छ देऊन सत्कार करण्यात आला.
या कार्यक्रमाचे उद्घाटन नेरुर गावचे माजी सरपंच भाजपा जिल्हा कोषाध्यक्ष तथा देवस्थान कमिटी अध्यक्ष चारुदत्त देसाई यांच्या शुभहस्ते श्रीफळ वाढवून करण्यात आले. या कार्यक्रमासाठी श्री.निचम यांच्या साऊंड सर्व्हिसने अतिशय प्रभावीपणे उत्कृष्ट व कार्यक्रमात रंगत आणली. या कार्यक्रमासाठी उत्कृष्ट निवेदक निलेश गुरव यांनी या कार्यक्रमाचे संपूर्ण समालोचन केले. या कार्यक्रमाच्या दरम्यान देवस्थान कमिटी अध्यक्ष चारुदत्त देसाई यांनी आपले मनोगत व्यक्त केले व उद्योजक रुपेश पावसकर यांच्या बद्दल गौरोवोद्गार व्यक्त केले. कार्यक्रमाच्या उद्घाटन समारोपाच्या टप्प्यात उद्योजक रुपेश पावसकर यांचा श्री देव नागदा मारुती सेवा उत्सव समिती व नेरूर गावाच्या वतीने जाहीर सत्कार करण्यात आला. उद्योजक रुपेश पावसकर म्हणाले, आपण जे उद्योगातून अर्थार्जन करतो त्यातील काही वाटा हा आपण समाजासाठी देणे असतो आणि ते आपण समाजाला सेवा रूपाने देतो.
श्री देव नागदा मारुती सेवा उत्सव मंडळ तसेच रणझुंजार मित्र मंडळ उद्योजक रुपेश पावसकर यांनी केले आहे. या कार्यक्रमासाठी युट्युब चैनलच्या माध्यमातून चित्रीकरण करणाऱ्याची मोठ्या प्रमाणात उपस्थिती होती.
या कार्यक्रमासाठी सुरेश करलकर, प्रकाश करलकर,.नंदकुमार मुगडे, अनिल करलकर, सुमित कांबळे,विनोद मांजरेकर, तेजस चव्हाण समीर परब, कल्पेश चव्हाण,उल्हास तुळसकर, बाबल पावसकर,विजय आडेकर, राजन पावसकर,विजय चव्हाण,जयवंत मांजरेकर, दत्ताराम मर्तल, मंगेश मुणणकर, अनंत करलकर, यांनी विशेष मेहनत घेतली. हा सामना अतिशय रंगतदार व प्रेक्षकांच्या अथांग जनसमुदायाच्या उपस्थितीत मोठ्या उत्साहात संपन्न झाला.