शिवप्रेमींसमोर भाजप नेते विशाल परब झाले नतमस्तक !

लाखो शिवप्रेमींनी दिले मनापासून आशीर्वाद

कुडाळ : भाजप नेते निलेश राणे यांच्या वाढदिवसाच्या निमित्ताने भाजप नेते तथा युवा उद्योजक विशाल परब यांच्या माध्यमातून विशाल सेवा फाउंडेशन आणि सिंधुदुर्ग भाजप आयोजित छत्रपती शिवाजी महाराजांच्या इतिहासावर आयोजित शिवगर्जना या महानाट्याचे कुडाळ येथे भव्यदिव्य असे विशाल आयोजन करण्यात आले होते. मागील तीन दिवस चाललेल्या या महानाट्याच्या अंतिम दिवशी लाखो शिवप्रेमी जनतेने दिलेला उत्स्फूर्त प्रतिसाद पाहून भावना उदंड झालेल्या विशाल सेवा फाउंडेशनचे सर्वेसर्वा विशाल परब यांनी आभार व्यक्त करताना सर्व शिवप्रेमींसमोर नतमस्तक होऊन आपल्या संयमी आणि नम्रतेचे दर्शन दाखवून दिले. त्यांनी केलेल्या या वेगळ्या प्रयोगाने जिल्ह्यातील सर्व शिवप्रेमी जनतेला आनंद झाला असून त्यांनी मनापासून विशाल परब यांना आशीर्वाद दिलेत. यानंतरही आपण लोकांच्या सेवेसाठी आणि सामाजिक कार्यासाठी कटिबद्ध राहणार असून सिंधुदुर्ग जिल्ह्यातील सर्वसामान्य गोरगरीब जनतेच्या हितासाठी धावून जाणार असल्याचे भाजप नेते विशाल परब यांनी यावेळी बोलताना सांगितले.

रोहन नाईक, कोकण नाऊ, कुडाळ