खारेपाटण ग्रामपंचायत च्या वतीने म.रा.वि.पारेषण चे सहाय्यक अभियंता किशोर मर्ढेकर यांचा सत्कार..

पुढील प्रशासकीय सेवेसाठी देण्यात आल्या शुभेच्छा

खारेपाटण येथील महाराष्ट्र राज्य विद्युत पारेषण कंपनी सहायक अभियंता शाखा कार्यलय रामेश्वर नगर,खारेपाटण येथे वीज अधिकारी म्हणून कार्यरत असलेले श्री किशोर श्रीकृष्ण मर्ढेकर यांची नुकतीच शाखा अधिकारी खेर्डी शाखा कार्यालय ता.चिपळूण जि. रत्नागिरी येथे प्रशासकीय बदली झाली असून यानिमित्ताने खारेपाटण ग्रामपंचायत सरपंच,ग्रामपंचायत सदस्य यांच्या वतीने मर्ढेकर यांचा सदिच्छा सत्कार करण्यात आला.
खारेपाटण ग्रामपंचायतीच्या वतीने सरपंच सौ प्राची ईसवलकर उपसरपंच श्री महेंद्र गुरव व ग्रा.पं सदस्य जयदीप देसाई,किरण कर्ले, सुधाकर ढेकणे,सौ.मनाली होनाळे, दक्षता सुतार, अस्ताली पवार यांनी किशोर मर्ढेकर यांना भेट वस्तू देऊन त्यांचा सत्कार केला व त्यांच्या पुढील प्रशासकीय सेवेसाठी शुभेच्छा दिल्या.

किशोर मर्ढेकर हे मुळगाव ओसरे ता.जावळी जिल्हा सातारा येथील रहिवासी असून त्यांची नोकरीची सुरवातच खारेपाटण येथील शाखा कार्यालयात सहाय्यक अभियंता म्हणून २०१६ पासून झाली

सलग ७ वर्षे ७ महिने खारेपाटण येथे सेवा झाल्यानंतर नुकतीच त्यांची बदली चिपळूण खेर्डी येथे झाली आहे. गेल्या ७ वर्षाच्या काळात किशोर मर्ढेकर साहेब यांनी खारेपाटण मध्ये चागल्या प्रकारे काम केले असून रात्री अपरात्री नैसर्गिक व तांत्रिक कारणांनी वीज पुरवठा खंडित झाल्यास पूर्ण वेळ देऊन प्रामाणिक सेवा केली आहे.
श्री काळभैरवनाथच्या कृपेने खारेपाटण सारख्या ऐतिहासिक शहरात आपल्याला काम करण्याची मला संधी मिळाली हे मी माझे भाग्य समजतो.या संपूर्ण सेवेच्या काळात मला सहकार्य करणाऱ्या ग्रामस्थांचे व राजकीय व्यक्तींचे पत्रकार मित्रांचे व माझ्या सहकाऱ्यांचे वरिष्ठ अधिकाऱ्यांचे मनापासून आभार व्यक्त करतो असे भावपूर्ण उदगार किशोर मर्ढेकर यांनी व्यक्त केले.