पांग्रड येथील महादेव मंदिर तळीसाठी ४.५० कोटी निधी
आमदार निलेश राणे यांच्या माध्यमातून निधी मंजूर
कुडाळ तालुक्यातील पांग्रड येथील महादेव मंदिर तळी पर्यटन दृष्ट्या विकसित करण्यासाठी प्रादेशिक पर्यटन योजनेअंतर्गत ४ कोटी ५० लक्ष एवढी रक्कम मंजूर झाली आहे. कुडाळ मालवणचे आमदार निलेश राणे यांच्या माध्यमातून हा निधी मंजूर झाला असून याचा पायाभरणी समारंभ रविवार दि. १२ एप्रिल रोजी सकाळी ११ वा. आमदार निलेश राणे यांच्या हस्ते होणार आहे. पांग्रड ग्रामस्थ मंडळाच्या वतीने ही माहिती दिली आहे.
संतोष मर्गज यांच्या सततच्या पाठपुराव्यामुळे हा निधी मंजूर झाला आहे. पांग्रड गाव सह्याद्रीच्या कुशीत वसलेला असून राणे साहेबांच्या माध्यमातून अनेक विकास कामे या ठिकाणी झालेली आहेत. या तलाव सुशोभीकरणामुळे गावात येणाऱ्या पर्यटकांची रहदारी वाढेल असा विश्वास आहे.
