प्रणाली मानेसह पती व मुलाच्या अटकपूर्व जामीन अर्जावर उद्या निर्णय

तिघांनाही देण्यात आला आहे अंतरीमटकपूर्व जामीन

सावंतवाडी माठेवाडा येथील विवाहीता सौ. प्रिया पराग चव्हाण हीला आत्महत्येल प्रवृत्त केल्याप्रकरणी गुन्हा दाखल असलेल्या देवगडच्या माजी नगराध्यक्षा प्रणाली माने, पती मिलिंद माने व त्यांचा मुलगा आर्य माने या तिघांच्याही अटकपूर्व जामीन अर्जावर न्यायालयाकडून उद्या 19 जुलै रोजी निर्णय दिला जाणार आहे. यापूर्वी प्रणाली माने व त्यांचा मुलगा आर्य माने यांना अंतरीमटक पूर्व जामीन मंजूर करण्यात आला होता. त्यानंतर प्रणाली माने यांचे पती मिलिंद माने यांना देखील अंतिम अटकपूर्व जामीन मंजूर करण्यात आला. परंतु या जामीन अर्जावर सुनावणी घेतल्यानंतर फिर्यादी पक्षाची बाजू सरकार पक्षाकडून ऐकून घेण्यात आली. त्यानंतर त्यावर आज 18 जुलै रोजी सुनावणी ठेवण्यात आली होती. ती सुनावणी पूर्ण झाली असून उद्या यावर निर्णय येणार आहे. संशयितांपैकी प्रणाली व आर्य माने यांच्यावतीने ॲड. उमेश सावंत यांनी काम पाहिले. तर मिलिंद माने यांच्यावतीने ॲड. संग्राम देसाई यांनी काम पाहिले.
दि. ४ जुलै २०२५ रोजी सौ. प्रिया हीने राहत्या घराच्या बेडरुममध्ये गळफास लावून आत्महत्या केली होती. याबाबत ६ जुलै रोजी तीचे वडिल विलास तावडे रा. कलंबिस्त यांनी दिलेल्या फिर्यादीवरून भारतिय न्याय संहिता कलम १०८ प्रमाणे गुन्हा दाखल करण्यात आला होता. याबाबत दोन्ही संशयितांच्यावतीने अटकपूर्व जामिनासाठी सत्र न्यायालयात अर्ज दाखल केला होता.
त्यावर झालेल्या सुनावणीत ११ जुलैपर्यंत व त्यानंतर 18 जुलै पर्यंत प्रत्येकी २५ हजार रुपयांचा अंतरीम अटकपूर्व जामिन मंजूर करण्यात आला होता.
तर मिलिंद माने यांच्यावतीने गुरुवारी अर्ज दाखल करण्यात आला होता. तसेच याबाबत सरकारी पक्षाकडून म्हणणेही सादर करण्यात आले होते. परंतु शुक्रवारी यावर सुनावणी न झाल्याने पुढील सुनावणी 15 जुलै रोजी झाली. त्या सुनावणीअंती 18 जुलैला याप्रकरणी सुनावणी ठेवण्यात आली होती. ती आज पूर्ण झाली. तोपर्यंत तिघांनाही न्यायालयाने सशर्थ अंतरिम अटकपूर्व जामीन मंजूर केला आहे. उद्या या अंतरीमटक पूर्व जामीन अर्जावर सर्व बाजू ऐकून घेतल्यानंतर न्यायालयाकडून निर्णय देण्यात येणार आहे.

कणकवली प्रतिनिधी