सार्वजनिक बांधकाम विभागाचे स्वतंत्र मंडळ कार्यालय सिंधुदुर्ग मध्ये सुरू होणार!

पालकमंत्री तथा सार्वजनिक बांधकाम मंत्री रवींद्र चव्हाण यांची घोषणा

सिंधुदुर्ग जिल्ह्यासाठी हा महत्त्वपूर्ण निर्णय ठरणार

राज्याचे सार्वजनिक बांधकाम मंत्री रवींद्र चव्हाण यांनी सिंधुदुर्ग जिल्ह्यासाठी सार्वजनिक बांधकाम विभागाचे स्वतंत्र्य मंडळ कार्यालय स्थापन करण्याचा निर्णय घेतला आहे. त्यामुळे मंडळ कार्यालयाकरता रत्नागिरीला माराव्या लागणारे फेऱ्या आता वाचणार आहेत. 26 जानेवारी 2024 रोजी प्रजासत्ताक दिनाच्या कार्यक्रमा वेळी बोलताना पालकमंत्री रवींद्र चव्हाण यांनी गेल्या अनेक वर्षांपासून सातत्याने मागणी होत असलेल्या सा बां विभागाच्या सिंधुदुर्ग जिल्ह्या साठी स्वतंत्र मंडळ कार्यालयाची स्थापना करण्यात येत असल्याचे घोषित केले आहे. सद्या रत्नागिरी व सिंधुदुर्ग या दोन जिल्ह्यासाठी मिळून एकच मंडळ कार्यालय रत्नागिरी येथे कार्यरत आहे. अधीक्षक अभियंता, रत्नागिरी यांच्या व कार्यक्षेत्रात दापोली पासून दोडामार्ग पर्यंत सुमारे 400 कि मी चे कार्यक्षेत्र आहे. त्यामुळे सिंधुदुर्ग जिल्हा चा कार्यभार करताना अनेक अडचणी निर्माण होत होत्या. आता सिंधुदुर्ग जिल्ह्यासाठी स्वतंत्र अधीक्षक अभियंता कार्यालय सुरू होणार असल्यामुळे सा. बां विभागाचे कामकाज अधिक वेगाने होण्यासाठी निश्चित मदत होणार आहे. तसेच जिल्ह्यासाठी विकास निधी अधिक प्राप्त होऊन विविध प्रशासकीय कामकाज अधिक गतिमान पद्धतीने होतील. सिंधुदुर्ग जिल्ह्यातील कणकवली व सावंतवाडी सा बां विभागाकडे मिळून सुमारे 2000 कि मी लांबीचे राज्य मार्ग व प्रमुख जिल्हा मार्गाची लांबी सुस्थीतीत आणण्यासाठी मोठा हातभार लागणार आहे. तसेच महत्वाचे व मोठे प्रकल्प जसे शासकीय वैद्यकीय महाविद्यालय, घोटगे – सोनवडे घाटरस्ता बांधकाम तसेच पर्यटन विषयक अनेक कामे वेगाने होतील अणि मार्गी सुद्धा लागतील तसेच बांधकाम विभागाची कामे अधिक गुणवत्तापूर्ण होण्यासाठी मदत होणार आहेत. पालकमंत्री रवींद्र चव्हाण यांच्या या निर्णयाचे सर्वत्र स्वागत होत आहे.

दिगंबर वालावलकर, कणकवली