खासदार निलेश राणे यांच्या प्रचारात युवासेना आघाडी घेत सहभागी होणार!

युवासेना जिल्हाप्रमुख मेहुल धुमाळे यांच्याकडून निलेश राणेंना पुढील वाटचालीस शुभेच्छा

निलेश राणेंच्या प्रचारासाठी युवा सेनेची कार्यकारिणी सक्रिय करणार

कुडाळ मालवण मतदार संघात महायुतीचे उमेदवार म्हणून माजी खासदार निलेश राणे हे आपली उमेदवारी भरण्याची शक्यता असतानाच निलेश राणे हे उद्या शिवसेनेमध्ये प्रवेश करत असल्याच्या पार्श्वभूमीवर शिवसेना शिंदे गटाचे युवासेना जिल्हाप्रमुख मेहुल धुमाळे यांनी माजी खासदार निलेश राणे यांची सदिच्छा भेट घेत त्यांना शुभेच्छा दिल्या. यावेळी आमदार नितेश राणे हे देखील उपस्थित होते. युवा सेना जिल्हाप्रमुख म्हणून निलेश राणे यांच्या विजयासाठी जोरदार प्रयत्न करणार असून युवा सेनेची संपूर्ण ताकद निलेश राणे यांच्यासोबत उभी करणार अशी ग्वाही यावेळी मेहुल धुमाळे यांनी दिली.तसेच कुडाळ मालवण मतदारसंघातून निलेश राणे यांना मोठया मताधिक्याने निवडून आणण्याचा निर्धार धुमाळे यांनी याप्रसंगी व्यक्त केला.

दिगंबर वालावलकर /कणकवली