फ्रेंड्स ग्रुप दुर्गवाड मित्रमंडळ आयोजित क्रिकेट स्पर्धेला धमाक्यात सुरुवात

फ्रेंड्स ग्रुप ट्रॉफी २०२३ चे फतेह मैदान, दुर्गवाड-नेरूर येथे आयोजन, शिवसेना ओबीसी सेल जिल्हाप्रमुख रुपेश पावसकर यांच्या हस्ते स्पर्धेचे उद्घाटन

कुडाळ : फ्रेंड्स ग्रुप दुर्गवाड मित्रमंडळ आयोजित फ्रेंड्स ग्रुप ट्रॉफी २०२३ चे आयोजन फतेह मैदान, दुर्गवाड -नेरूर येथे करण्यात आले आहे. ही स्पर्धा आजपासून २४ फेब्रुवारी ते २६ फेब्रुवारी २०२३ या कालावधीत होणार आहे. सदर स्पर्धा प्रीमियर लीगप्रमाणे खेळवली जाईल.
या स्पर्धेसाठी प्रथम क्रमांक बक्षीस २० हजार रुपये (रुपेश पावसकर-शिवसेना ओबीसी सेल जिल्हाप्रमुख यांच्याकडून) तसेच द्वितीय क्रमांक १५ हजार रुपये (उद्योजक देवेंद्र नाईक यांच्याकडून) देण्यात आली आहेत. तसेच विजेत्या संघाना भव्य अशा ट्रॉफी देऊन गौरविण्यात येईल. याशिवाय उत्कृष्ट फलंदाज, गोलंदाज, मालिकावीर अशी बक्षिसे सुद्धा देण्यात येतील. आज सकाळी या स्पर्धेचे उद्घाटन शिवसेना ओबीसी सेल जिल्हाप्रमुख रुपेश पावसकर यांच्या हस्ते श्रीफळ वाढवून करण्यात आले. यावेळी फ्रेंड्स ग्रुपचे आझिम मुजावर, फिरोज खतीब, करीम शहा, इमरान मुजावर, इर्शाद शेख, समीर मुजावर, अनिस शहा, नफीस शेख, बदर मुजावर, जोएल नाईक, अम्मार मुजावर, रईस खान, फाइस खान, नसरुद्दिन शहा, तबरेज खान, प्रशांत टेंबुलकर, रितेश पेडणेकर, आबा पावसकर, जयगणेश पावसकर, अक्षय वरक, अमित झोरे, बाबल म्हाडदळकर, शुभम नेरुरकर, प्रवीण नेरुरकर, सरील खान, संदीप पाटकर आदी मान्यवर उपस्थित होते. तर समालोचक म्हणून योगेश परब, संकेत फडके, पंच रामदास सावंत, नितीन खवणेकर यांची उपस्थित होते.

रोहन नाईक, कोकण नाऊ, कुडाळ