दाढसाकळ मित्रमंडळ सरंबळ आयोजित स्पर्धेत आर. व्ही. स्पोर्ट्स नेरूर विजेता

उत्कर्ष स्पोर्ट्स नेरूरपार संघ उपविजेता

कुडाळ : दाढसाकळ मित्रमंडळ सरंबळ आयोजित प्रीमिअर लीग २०२३ मध्ये आर. व्ही. स्पोर्ट्स नेरूर या संघाने विजेतेपद पटकविले. तर उत्कर्ष स्पोर्ट्स नेरूरपार या संघाला उपविजेतेपदावर समाधान मानावे लागले. विजेत्या आर. व्ही. स्पोर्ट्स नेरूर संघाला रोख २० हजार रुपये आणि चषक तर उपविजेत्या उत्कर्ष स्पोर्ट्सला रोख रुपये १५ हजार आणि चषक प्रदान करण्यात आला. या स्पर्धेत मालिकावीर आबा जळवी, उत्कृष्ट फलंदाज कल्पेश पावसकर, उत्कृष्ट गोलंदाज ओमकार नाईक, उत्कृष्ट क्षेत्ररक्षक प्रफुल्ल हडकर आणि अंतिम सामन्यातील सामनावीर कल्पेश पावसकर यांना गौरविण्यात आले.
यावेळी व्यासपीठावर उद्धव बाळासाहेब ठाकरे शिवसेना गटाचे ओबीसी सेल जिल्हाप्रमुख रुपेश पावसकर, सरंबळचे उपसरपंच सागर परब, भाई परब, शैलेश परब, मंदार परब, योगेश नाईक, दीपेश कदम, अरुण कदम, हळदणकर, अशोक पावसकर, आबा पावसकर, भालचंद्र नाईक आदी उपस्थित होते.

रोहन नाईक, कोकण नाऊ, कुडाळ