बारावीचा कुडाळ हायस्कुल ज्युनियर कॉलेजचा निकाल ९९.०९ टक्के

विज्ञान आणि व्होकेशनल विभाग १०० टक्के निकाल

वाणिज्य विभागाची विधी विवेकांनद शेट्टी प्रशालेतून प्रथम

प्रतिनिधी । कुडाळ : राज्य माध्यमिक आणि उच्च माध्यमिक मंडळाच्या वतीने मार्च २०२४ यामध्ये घेतलेल्या बारावीच्या परीक्षेत कमशिप्र मंडळ संचलित कुडाळ हायस्कुल कनिष्ठ महाविद्यालयाने आपली निकालाची उज्ज्वल परंपरा कायम राखली आहे. कुडाळ हायस्कुल कनिष्ठ महाविद्यालयाच्या चारही शाखांचा मिळून निकाल ९९.०९ टक्के लागला आहे. विज्ञान आणि व्होकेशनल यांचा निकाल १०० टक्के लागला असून कला विभाग ९७.०३ टक्के तर वाणिज्य विभाग ९९.४७ टक्के,लागला आहे. वाणिज्य विभागाची कु. विधी विवेकानंद शेट्टी हि विद्यार्थिनी ९४.५० टक्के गुण मिळवून प्रशालेतून पहिली आली आहे. वाणिज्य विभागाचेच यशवंत सत्यवान सामंत (९२.८३ टक्के) आणि स्वराज महेश ओटवणेकर (९०.३३ टक्के) हे विद्यार्थी अनुक्रमे दुसऱ्या आणि तिसऱ्या क्रमांकावर आहेत.
बारावीचा निकाल आज जाहीर करण्यात आला. कुडाळ हायस्कुल कनिष्ठ महाविद्यालयाने यंदा देखील आपली निकालाची उज्ज्वल परंपरा कायम राखली. कला विभागात प्रविष्ट १३५ विद्यार्थ्यांपैकी १३१ विद्यार्थी उत्तीर्ण होऊन ९७.०३ टक्के निकाल लागला. तर वाणिज्य विभागात प्रविष्ट १९० पैकी १८९ विद्यार्थी पास होउन प्रशालेचा निकाल ९९.४७ टक्के लागला. विज्ञान विभागात प्रविष्ट १८६ विद्यार्थ्यांपैकी सर्व म्हणजे १८६ विद्यार्थी उत्तीर्ण होऊन १०० टक्के निकाल लागला. त्याचप्रमाणे व्होकेशनल विभागात प्रविष्ट ४३ विद्यार्थ्यांपैकी ४३ विद्यार्थी उत्तीर्ण होऊन १०० टक्के निकाल लागला.
कला विभागात प्रथम श्रावणी विष्णू करंबेळकर (८८.८३ टक्के) द्वितीय मृदुला दिलीप देवगडकर (८८.५० टक्के) आणि तृतीय गंगाराम पांडुरंग भाईप (८८.१७ टक्के). वाणिज्य विभागात प्रथम विधी विवेकानंद शेट्टी (९४.५० टक्के) द्वितीय यशवंत सत्यवान सामंत ( ९२.८३ टक्के) आणि तृतीय स्वराज महेश ओटवणेकर (९०.३३ टक्के). विज्ञान विभागात प्रथम सेजल उषा पवार (९० टक्के), द्वितीय वैष्णवी अनंत भोगटे (८६.६७ टक्के) तृतीय स्वप्नील सुनील हादगे आणि युक्ती अनंत तेलंग (८५.१७ टक्के) तर व्होकेशनल विभागात प्रथम अनिष्ट गणपत चेंदवणकर (८५.३३ टक्के), द्वितीय दर्शन बाबू ठुम्बरे (८३.६७ टक्के), तृतीय क्रमांक दिनेश दशरथ करंबेळकर (७७.६७ टक्के) गुण मिळाले. सर्व उत्तीर्ण विद्यार्थ्यांचे संस्थाचालक, प्राचार्य, शिक्षक यांनी अभिनंदन केले आहे.

प्रतिनिधी, कोकण नाऊ, कुडाळ.