वैभववाडी नगरपंचायत च्या नवनिर्वाचित सभापतींनी घेतली आमदार नितेश राणे यांची भेट

आमदार नितेश राणे कडून नवनिर्वाचित पदाधिकाऱ्यांना शुभेच्छा

वाभवे – वैभववाडी नगरपंचायतच्या नवनिर्वाचित विषय समिती सभापती यांनी आमदार नितेश राणे यांची कणकवली येथे भेट घेतली. आमदार नितेश राणे यांनी सर्व सभापतींचे अभिनंदन करत शुभेच्छा दिल्या. मंगळवारी ही निवडणूक बिनविरोध पार पडली. बालकल्याण समिती सभापतीपदी भाजपाच्या श्रीमती यामिनी वळवी यांची बिनविरोध निवड जाहीर झाली आहे. सार्वजनिक बांधकाम नियोजन व विकास समिती सभापतीपदी श्री.विवेक सज्जन रावराणे, आरोग्य – शिक्षण – क्रीडा व सांस्कृतिक कार्य समिती सभापतीपदी भाजपाचे श्री राजन तांबे, तर महिला व बालकल्याण समिती उपसभापतीपदी श्रीमती संगीता चव्हाण यांची निवड झाली आहे. या सर्व नूतन सभापतींचे आमदार नितेश राणे यांनी अभिनंदन केले.
यावेळी वैभववाडी भाजपा अध्यक्ष श्री.नासीरभाई काझी, नगराध्यक्षा कु.नेहा माईंणकर, उपनगराध्यक्ष श्री.संजय सावंत, नगरसेविका श्रीमती सुंदरी निकम, माजी सरपंच श्री.एस. एम. बोबडे सर आदी उपस्थित होते.

सिंधुदुर्ग / प्रतिनिधी